Accessibility links

җомга, 9 декабрь 2016, Казан вакыты 05:11

Omskida Qazan oçqıçlarında oçaçaqlar


Qazanda bu könnärdä Rusiäneñ 40tan artıq töbägennän yuristlar cıyıldı. Alar monda 2 kön däwamında aldınğı täcribä alırğa kilgännär. Qunaqlarnı küçemsez milekkä xoquqlarnı terkäwneñ Tatarstanda eşläp kilä torğan ber täräzä ısulı qızıqsındıra ikän. Kiñäşmä eşendä qatnaşqan respublikanıñ premyer-ministrı Röstäm Miñnexanov üzeneñ çığışında Tatarstanda keçe biznesnıñ xäle turında söyläde, bügenge köndä bezdä 100 meñnän artıq eşquar terkälgänlege turında äytte. Qazanğa comğa könne gubernator Leonid Polejaev citäkçelegendä Omski ölkäse delegatsiäse kilde. Omski qunaqları ike töbäk arasındağı xezmättäşlek turındağı kileşüne ütäwneñ näticälären tikşeräçäklär häm, Tatarstan öçen ayıruça ähämiätlese, Qazanda tözeläçäk ike TU-214 oçqıçın satıp alu turında kileştelär. 28 noyäber könne respublikanıñ iñ öre şirkätläreneñ berse – Qazanorgsintez berläşmäseneñ citäkçelege almaşındı. Yalğa kitkän 73 yäşlek Nail Yosıpov urınına general’ direktor bulıp Leonid Alexin bilgelände. Ä menä Aq Bars bankı 28 noyäber könne bäyräm itte. Qazannıñ iñ zatlı zallarınıñ bersendä – Piramida küñel açu üzägendä älege banknıñ 10 yıllığına bağışlanğan tantanalı kiçä uzdı.

Gölnaz İlgizär

XS
SM
MD
LG