Accessibility links

дүшәмбе, 5 декабрь 2016, Казан вакыты 23:40

Russiäneñ Yukos neft'' şirkäte Kreml''ne Yukos belän Sibneftneñ quşıluına qomaçawlawda ğäyepli


Yukos belän Sibnef'' quşılğan oçraqta Dönyada zurlığı yağınnan 4-nçe urında torğan neft şirkäte barlıqqa kiler häm ul Russiädä sur ekonomik qına tügel säyäsi köçkä dä äwerelp xökümät eşlärenä nıq tä''sir itä alır ide. Mäğlüm bulğançaq Yukosnıñ elekke citäkçese Mixail Xodorkovskiy salımnardan qaçudı häm xärämläşüdä ğäyeplänep izolyatorğa yabıldı. Mäxkamädä ğäyeple tabılğan oçraqta aña 10 yıllıq törmä cäzası yanıy. Ämma Yukostağı bu qıyınlıqlarğa qaramastan ike şirkät comğa könne quşılırğa tieş ide. Tik bu eş barıp çıqmadı. Ber ber artlı kilgän säyer xällär quşıluğa qomaçawladı. Comğa könne qarar qabul itüçe şura utırışı başlanırğa berniçä minut qına qala Sibneft matbuğat öçen ike şirkät isemennän dä quşılu kiçekterelä digän belderü yasadı. Qayberäwlär moña añlatma birep, Sibneft xäzerge waqıtta kreml''neñ hädäfe bulğan Yukos belän quşıludan qurqa digän farazlar belderde. Alar fikerençä, Sibneft'' quşılu eşe inde tämamlanuğa yaqınlaşqan Yukos-Sibneft'' quşılmasınnan üz aksiälären alıp ExxonMobil kebek berär ışanıçlıraq könbatış şirkätenä satarğa teli. Baştaraq açıqtan açıq bu eşkä Kreml''neñ tä''sire turında äytüçelär bik bulmasa da, Şimbä könne Kommersant gazetı Yukos aksionerı Leonid Nevzlin belän şul turıda interview bastırıp çığardı. Nevzlin anda Comğa könne Sibneft belän quşılu eşe barıp çıqmağannan soñ Sibenft prezidentı Yevgeniy Şvidler belän bulğan söyläşüe turında söyli. Nevzlin ni öçen Sibneftneñ quşılırğa telämäwe tutında qızıqsınğan. Nevzlin äytüençä Şvidler aña açıq qına cawap birmägän häm prezident administratsiäsenä, alar quşqannarğa işarä yasağan. Nevzlin ni öçen Sibenft belderüe ike şirkät isemennän dä yasaslı dip sorağaç, Şvilder aña bezgä prezident administratsiäse şulay quştı dip cawap birgän. Kreml'' älegän belderü yasamasa da, şimbä könne permyer-ministr Mixail Kasyanov Monday kreml'' qatnaşqan dip uylamawı turında belderde. Kasyanov İnterfax agentlığına ägär Kreml'' basım yasasa aksionerlar hiçşiksez zarlanır ide, ämma älegä miña beräw dä andıy zarlanu belän kilmäde digän. Bügen Rusiäneñ küpçelek basmaları çıqmasa da, İzvestiä gazetı şimbä sanınıñ berençe bitendä Chelsea Yukostan yaxşıraq digän mäqälä bastırıp çığardı. Anda Sibenftne oyıştırğan Roman Abramoviçnıñ küpçelek kapitalnı Rusiädän çitkä küçerergä teläwe turında yazıla. Abramoviçnıñ prokuratura ere eşmäkärlärne ezärleklägän Russiädän aqçalarnı Birtaniäneñ Chelsea futbol komandası kebek ışanıçlıraq eşlärgä investitsiälärgä teläwe moñarçı da mäğlüm ide.

Älegä Yukos belän Sibneftneñ quşıluı hawada elenep qala birä. Nevzlin quşılunıñ qayçan tämamlanaçağın äytä almıym, anı tämamlaw köne tögäl bilgeläp quyılmağan di.

Naif Aqmal, Praga.
XS
SM
MD
LG