Accessibility links

җомга, 9 декабрь 2016, Казан вакыты 13:05

Jeneva kileşüläre dip atalğan simvolik Yaqın könçığış tınıçlıq planı turında söyläşülär ütkärgän 4 fälestin wäkile bu atnada Şwetsariädä imzalaw tantanasında qatnaşudan baş tarttı


Associated Press agentlığı xäbär itüençä, bu çarada qatnaşmaw turında qarar Fälestin citäkçese Yassir Arafat alarğa kileşülärne xuplaw yullaması cibärüdän baş tartqannan soñ qabul itelgän. Geneva Kileşülärenä elekke İzrail' häm Fälestin söyläşülär ütkärüçeläre ireşkän ide. Ul kileşülärdä Fälestin däwläte tözü häm ike yaqtan da moñarçı kürelmägän çigeneşlär yasaw turında äytelä. Arafatnıñ bu kileşülärne däşmiçä xuplawına qaramastan ike yaq ta alarnı räsmi räweştä qabul itmäde. İzrail premyer-ministrı Ariel Şaron bu kileşülär İzrail'gä zıyanlı dide:

AUDİO: Xökümät kenä säyäsi çişeleş turında söyläşülär ütkärä häm imzalıy ala. Bu kileşülär İzrail'gä zıyan kiterä häm alar xatalı.

Bügen Fälestin premyer-ministrı Äxmät Qurai häm Yaqın könçığıştağı AQŞ wäkile William Burns İordaniä patşası Abdulla belän ayırım oçraşular ütkärep Yaqın Könçığışta tınıçlıq unraştıru eşen yañartu yulları turında söyläşte.

XS
SM
MD
LG