Accessibility links

дүшәмбе, 5 декабрь 2016, Казан вакыты 11:34

1nçe dekaberdä Tatarstanda SPİD awıruı belän köräştelär


1nçe dekaber, qışnıñ berençe könen, Qazan qışqı salqınnar belän tügel, cılı hawa belän qarşı aldı. Şuña da qaramastan, şähärdä älege yıl fasılınıñ töp bäyräme – Yaña yılğa inde äzerlek eşläre başlanıp ta kilä. Uramnarda ara-tirä Yaña yıl belän digän yazular kürenä, Qazannıñ üzäk çırşıların inde quya da başladılar. Bıyıl da alar Qazan milli-mädäni üzäge häm Üzäk stadionı yanındağı Yärminkä mäydanında urnaşaçaq. Alardan tış, şähärdä tağın 60tan artıq cirdä çırşılı küñel açu mäydançıqları oyıştırılaçaq. Respublikanıñ ikençe zur şähäre – Çallıda da Yaña yılğa äzerlek başlandı. Anda, şähär xakimiäte urnaşqan bina qarşında, 30 metrlıq çırşı quyılır dip kötelä. Xäyer, 1nçe dekaber – qışnıñ berençe köne genä tügel äle. Bu kön böten dönyada SPİD awıruı belän köräş köne bularaq bilgeläp ütelä. Ul Bötendönya sälämätlek saqlaw oyışması tarafınnan inde 1988 yıldan birle räsmi räweştä ütkärelep kilä. Älege oyışma mäğlümätlärenä qarağanda, uzıp baruçı yılnı ğına dönyada SPİD belän 3 millionnan artıq keşe awırıp kitkän. Tatarstanda da älege awırunı yoqtıruçılarnıñ sanı şaqtıy. Xäzerge köndä respublikada 6200dän artıq keşedä VİÇ-infeksiä tabılğan. 315 keşe isä bu awırudan wafat bulğan, şular arasında 5 bala, ä awıru analardan 204 bala tuğan. Xäyer, SPİD awıruı belän köräştä dä respublikada dönyadan qalışmıylar. Bezdä, mäsälän, virusqa qarşı däwalaw, bik qıybatqa töşsä dä, alğa kitkän illär standartlarınnan qalışmıy ikän. 1 dekaber könne Qazanda ğına tügel, respublikanıñ başqa rayon, şähärlärendä dä SPİDqa qarşı köräş köne uñayınnan uquçılar, studentlar öçen törle çaralar ütte.

XS
SM
MD
LG