Accessibility links

пәнҗешәмбе, 8 декабрь 2016, Казан вакыты 05:15

Pragada da Ramazan ğäyete uñayınnan çäy mäclese ütte


Yıraqtağı millättäşlärebez turında tağın ber xäbär. Bu yulı - Çexiädäge tatarlar turında. Alarnıñ wäkilläre älegä Tatar kongressınıñ çaralarında qatnaşmıy. Pragada millättäşlärebez ällä ni küp yäşämi. Läkin şuña da qaramastan, alar üzläreneñ tatar ikänen onıtmıy, milli tormışqa, ğöref-ğädätlärgä omtıla. Alar çäy östäle artında oçraşular ütkärälär, ber-berse belän aralaşalar, xätta xalqıbıznıñ borınğı yolasın – Sabantuy da ütkärälär. 29nçı noyäberdä Çexiä tatarları Ramazan bäyräme tämamlanu uñayınnan cıyılıp, çäy mäclese oyıştırdılar. Oçraşu Praga üzägendäge Rokoko hotelendä uzdı. Mäcleskä nigezdä şuşı yılda Praga Sabantuyında qatnaşqan tatarlar kilde. Läkin kiçägä kilüçelär arasında berniçä yaña keşe - milli tormışqa Sabantuydan soñ quşılğannar da buldı. Alar bu oçraşular turında üzläreneñ tanışlarınnan häm Pragada rus telendä basıla torğan gäcitlärdä iğlannarnı kürep kilgännär. Barısı çäy mäclesendä 30ğa yaqın keşe qatnaştı. Millättäşlärebez yanına qunaqqa tatar tormışı belän qızıqsınğan çexlar da kilgän ide. Çäy östälenä härkem üze peşerep kilgän milli aşlar - çäk-çäk, bäleşlär, käbestä bökkännäre quyıldı. Çäy arasında mäclestä qatnaşuçılar bıyılğı Sabantuyda töşerep alınğan videotasmanı qaradılar, tatar cırların tıñladılar. Häm älbättä inde, üzara aralaştılar, çönki alarnıñ cäydän birle küreşkännäre yuq ide äle. Kiçädä süz, şulay uq, tatar telen belmägän millättäşlärebez öçen maxsus kurslar oyıştıru kiräklege turında da bardı. Bu uñaydan Praga tatarları kitap häm däresleklär alu mä’säläsendä Qazannıñ yärdämenä dä ömetlänä.

XS
SM
MD
LG