NATO General sekretare George Robertson Berlekneñ saqlanu ministrlarına Äfğanstanda iminlekne saqlaw öçen anda xärbilär häm xärbi cihazlar sanın arttırunı sorap möräcäğät itte. NATO Äfğanstandağı missiäsen däwam itergä tieş, terrornıñ cäyelüen häm çik buyı problemalar tuuın buldırmasqa tieş, dip belderde Robertson. Xäzer Qabulda 5700 keşelek NATO ğaskärläre urnaşqan. Roberston Äfğanstanğa tağın maxsus köçlär häm östämä boralaqlar soradı.
Bügen Brüsseldä Yevropa İlläreneñ saqlanu ministrları oçraşuında NATOnıñ atom biologik häm ximik höcümnärgä qarşı maxsus köçlär tözelüe iğlan itelde. 700 maxsus xärbie bulğan şuşı saqlanu batalionın berençe 6 ayda Çexiä xärbiläre citäkliäçäk. Maxsus köçlärgä NATO äğzase bulğan 19 ildän 15seneñ wäkilläre kergän, şul sanda kiläse yıl NATOğa keräçäk Rumıniä häm Sloveniä xärbiläre dä.
Yevropa İlläreneñ saqlanu ministrları ike könlek oçraşu waqıtında şulay uq Bosniädäge NATO tınıçlıq saqlaw ğaskärläreneñ yazmışı turında fiker alışaçaq, häm Amerikan saqlanu ministrı Donald Rumsfeldqa Yevropanıñ saqlanu planı turında añlatmalar biräçäk. Mäğlüm bulğança amerika bu planğa qarşı çıqqan ide.
Bügen Brüsseldä Yevropa İlläreneñ saqlanu ministrları oçraşuında NATOnıñ atom biologik häm ximik höcümnärgä qarşı maxsus köçlär tözelüe iğlan itelde. 700 maxsus xärbie bulğan şuşı saqlanu batalionın berençe 6 ayda Çexiä xärbiläre citäkliäçäk. Maxsus köçlärgä NATO äğzase bulğan 19 ildän 15seneñ wäkilläre kergän, şul sanda kiläse yıl NATOğa keräçäk Rumıniä häm Sloveniä xärbiläre dä.
Yevropa İlläreneñ saqlanu ministrları ike könlek oçraşu waqıtında şulay uq Bosniädäge NATO tınıçlıq saqlaw ğaskärläreneñ yazmışı turında fiker alışaçaq, häm Amerikan saqlanu ministrı Donald Rumsfeldqa Yevropanıñ saqlanu planı turında añlatmalar biräçäk. Mäğlüm bulğança amerika bu planğa qarşı çıqqan ide.
