Accessibility links

якшәмбе, 4 декабрь 2016, Казан вакыты 21:36

Litva komissiäse prezident Rolandas Paksasnıñ cinäyätçel törkemnärgä qatnaşı buluı turında xisabın bäyän itte


Litva prezidentı Rolandas Paksas'nıñ oyışqan cinäyätçelekkä qatnaşı bulu ixtimalın tikşergän parlament komissiäse – yäşren mäğlümatneñ taraluında prezident üze ğayeple digän näticä yasadı. İrtägä bu xisap parlament utırışında tikşereläçäk, parlament Paksasqa impeachment belderergäme yuqmı digän qarar çığaraçaq. Xisapta Paksas "cinäyätçe törkemnärgä yaqın tora häm milli iminlekkä qurqınıç tudıra", dielä. Litva prezidentınıñ mafiağa qatnaşı bulu-bulmawın tikşerü öçen ber ay elek maxsus komissiä tözelgän ide.

Paksas üze böten ğayepläwlärne kire qağa häm atnalar buyına däwam itkän uram cıyınnarına iğtibar itmi. Kiçä dä Paksasnıñ prezident wazifasınnan kitüen taläp itep Litva başqalası uramnarına meñlägän keşe çıqtı.

XS
SM
MD
LG