Accessibility links

пәнҗешәмбе, 8 декабрь 2016, Казан вакыты 05:10

Gruziäneñ waqıtlı prezidentı Nino Burjanadze Yevropada İminlek häm Xezmättäşlek Oyışması utırışında Rusiäne – Gruziäneñ bötenlegenä qurqınıç tudıruda ğayepläde


Yevropada İminlek häm Xezmättäşlek Oyışması tışqı eşlär ministrlarınıñ Niderlandta açılğan yıllıq kiñäşmäsendä oyışmanıñ räise, Niderland tışqı eşlär ministrı Jaap de Hoop Scheffer, terrorğa qarşı köräş şäxsi irekleklärne häm keşe xoquqların çiklärgä tieş tügel, dip belderde. Anıñ süzlärenä qarağanda yanağan qurqınıçqa cawap birergä kiräk, läkin şäxsi iminlek häm abruynı saqlarğa kiräk. Konferensiädä älege oyışmanıñ xalıqara terrorğa mönäsäbäten häm köräş yulların açıqlağan dokument qabul iteler dip kötelä. De Hoop Scheffer bu atnada oyışma räise urnınnan kitep NATO general sekretare wazifasına kereşäçäk. 2 könlek cıyında Yevropada İminlek häm Xezmättäşlek Oyışmasınıñ barlıq 55 äğza il wäkilläre qatnaşa. Çığış yasawçılar arasında Gruziäneñ waqıtlı prezidentı – Nino Burjanadze da bar. Bügen ul Rusiäne Gruziäneñ bötenlegen saqlap qalu tırışlığına ziyan kiterüdä ğayepläde. Uzğan atnada Mäskäwneñ üzenä Gruziädäge 3 respublika citäkçelären çaqırtuı – üzeneñ prezident Eduard Şevardnadzeğa qarşı çığışlar waqıtında tınıçlıq saqlap qalu kebek uñay tırışlıqların xäzer külägädä qaldırdı, dide Nino Burjanadze. Burjanadze şulay uq Rusiäne Gruzidän ğaskärlärne çığarunı soradı häm ike yaqlı xezmättäşlekne üsterü täqdimen yasadı.

Yevropada İminlek häm Xezmättäşlek Oyışması dönyada matbuğat ireklege öçen köräşkän Jurnalistlarnı Yaqlaw Komitetına maxsus büläk tapşırdı. New Yorkta urnaşqan älege komitet – xosusi kerem kitermi torğan törkem – 120gä yaqın ildä matbuğat irege öçen köräş alıp bara. 20 meñ dollarlıq büläk bularaq komitetqa "jurnalistlarğa qurıqmıyça döres xäbär birüdä täcribäle yardäm birep toruı öçen" birelde.

XS
SM
MD
LG