Accessibility links

шимбә, 10 декабрь 2016, Казан вакыты 02:07

Yevropada İminlek häm Xezmättäşlek Oyışması Russiädä Duma saylawaldı kampaniäse ğadel tügel digän fikerdä


Kreml yaqlı Berdäm Russiä Yäkşämbe könge saylaulardan alda üzeneñ pozitsiäsen nığıta bara. Läkin, köndäşläre häm bäysez küzätüçelär saylaualdı kampaniäse ğadel tügel digän şikayät belderälär. Yevropada İminlek häm Xezmättäşlek Oyışmasınıñ küzätüçeläre Düşmbe könne iğlan itkän xisabında kandidatlarğa ber ük mömkinlekneñ birelmävenä borçılu beldrlgän. Şuşı uñaydan Wall Street Journalnıñ xalıqara basmasında basılıp çıqqan maqäläneñ eçtälege.

Gazetanıñ yazuınça, oyışmanıñ xisabında Berdäm Russiä administratsiäneñ yaqlauınnan häm bigeräk tä dävlät qaramağında medianıñ ber yaqlı propogandasınnan faydala dielgän. Kreml Berdäm Russiäneñ parlamentnıñ tübän palatasında küpçelekkä iä buluı öçen baım yasıy. Xökümät väkilläre monı prezident Putinneñ ekonomik häm başqa programmaların ütkärü maqsäte belän añlatalar. Läkin, tänqitçelär Putin üzgä fikerlelekne bastırırğa häm üz xakimiätenä potansial qarşılıqnı betergä tırış dip belderälär. Berdäm Russiäneñ citäkçeläre räsmi pozitsiälärennn faydalanuların kire qağalar häm xalıq yaqlauın qazanğan buluların däğvä itälär. Läkin, Mäskävdäge köndäş kandidatlar üz qaraşların xalıqqa citkeär almauların belderälär. Çınnan da Mäskäv metrosı häm ana yullar Berdäm Rusisäneñ plakatları belän tulğan. Elekke finans ministere Duma kandidatı Boris Federovnıñ süzlärençä, şuşı trend dävam itkän xäldä, çın saylaular bulmayaçaq, SSSR çorındağı kebek ber räsmi kandidatqa ğına tauış birü bulaçaq. Ul çirle räsmilär üzeneñ saylaualdı kampaniäsendä qatnaşuçılarnıñ eşenä qomaçaulap kildelär , plakatların yırttılar häm reklama urnın prakatqa aluına yul quymadılar dip belderde. Yabloko partiäsennän kandidat Mixail Zadornov ta administrativ Resurs dip atalğan şundıy uq räsmi kirtälärgä duçar bulğanın äytte. Yevropada İminlek häm Xezmätätşlek Oyışmasınıñ küzläv missiäse başlığınıñ urınbasarı Robert Barryneñ belderüenä qarağanda, oppzoitsiä kandidatlarına basım , gubernatorlar Berdäm Russiäne yaqlağan 28 töbäktä ayruça köçle. Oyşama raportına qarağanda, Putin xakimiätendä dävlät kontrole nığıtılğan dävlät televideniä kanalları Berdäm Russiä turında uñay propoganda alıp baralar, ä inde iñ köçle oppozitsion partiä Kompartiä turında tik tiskäre sujetlar ğına tapşıralar. Berdäm Russiäne şulay nıq yaqlau üz cimeşlären birä kebek. Xalıq fikeren beleşülär Berdäm Russiäne yaqlaunıñ 30 protsent tiräsendä buluın kürsätä. Kompartiä yaqınça 20 protsent tauış alaçaq dip kötelä. Yabloko partiäsennän kandidat Zadornov, administrativ resurslardan nıq faydalanu, qatı basım soñğı çiktä saylaulardan küñel qaytuğa häm näticädä, saylaularda qatnaşuçılarnıñ az buluına häm saylau bullitennarında här kemgä qarşı tauış birüçelärneñ artuına kiterä ala digän fikeredä.

Färit İdelle, Praga.
XS
SM
MD
LG