Accessibility links

сишәмбе, 6 декабрь 2016, Казан вакыты 13:11

NATO saqlanu ministırlarınıñ cıyını: Yevropa Berlegeneñ urtaq saqlanu säyäsäte


AQŞsaqlanu ministırı D.Rumsfeld häm NATO(nıñ wazıyfasın tämamlawçı) general sekretarı G.Robertson Yevropa Berlegeneñ xärbi säläten üsterü häm Berlekneñ konstitutsiäsenä urtaq saqlanu turında maddä kertelüe belän kileşsälär dä alar , berlekneñ NATOdan bäysez planlaştıru häm operatsiä başkavartirası buldıru omtılışı qabul itelmäslek xäl dip işarä itte..

NATO saqlanu ministırlarınıñ düşämbedäge oçraşuın, Fransiä, Germaniä Britaniä atna azağında yevropanıñ saqlanu plannarı turında kileşkän digän xabär külägäläde. NATO häm AQŞ räsmiläre Brüsseldä berlekneñ saqlanuı turında birelgän sorawlarğa bolay cawap birde: berençedän , Yevropa Berlegendä saqlanu mäsäläsendä äytelgännär qatğıy tügel çönki diskussiälär tämamlanmağan, ikençedän açıq näticälär konstitutsiä turındağı debatlar betkännän soñ ğına bilgele bulır , älegä NATO trans-atlantik berektäşlegendä töp tayanıç bulıp qala. AQŞ saqlanu ministırı Rumsfeld berlekneñ detalle plannarı NATO tışqı eşlär ministırlarınıñ atnakiçtäge cıyılışında häm kiläse atnada berlekneñ sumitında täqdim itelergä tieş dip äytte. Rumsfeld süzlärençä(audio) min bu mäsäläne xäl qılunı tışqı eşlär minsitırları häm premierlärgä qaldıram. Berenceden bu hipotetik soraw , bez närsä bulıp çağaçaq belmibez, min elegeräk fikremne äytkän idem , tağı närsä östäp äytä alam belmim. Rumsfeld elegeräk bolay digän ide (audio) bezneñ säyäsät bik açıq, bez NATOnı trans atlantik saqlanuında töp bagana itep kürep, añı nıq yaqlıybız.Bez NATOğa duslarça qarağan Yevropanıñ iminlek häm saqlanu säyäsäten yaqlıyıbz.Bez , berektäşlek 4yıl yarım qatı eşläp bıyıl başlarında Berlin plus kileşüenä qul quyıp yevropa berlegenä NATo cihazların qullanu mömkinçelegen birdek. Bez alarnı yaqlıyıbz,alar yanındabız. Räsmilär xosusi söyläşülärdä töp konsepsiä Berlin plus kileşüe dip işarä itä.AQŞ häm NATO general sekretarı George Robertson kileşüneñ maddäläre berlek ütmäskä tieşle çiklär bulıp tora digän qaraşta . G.Robertson jurnalistlarnıñ sorawlarına cawap birgändä AQŞ häm berektäşlektä anıñ fikeren urtaqlaşqan illärneñ Berlin Plus kileşüen ütkän xärbi, komanda ,kontrol tözeleşläre Yevropa Berlegenä kiräkmi digän qaraşta bulularına işarä itte. Berlin plus kileşüendä Yevropa Berlege NATO yäki AQŞları qatnaşırğa telämägän missiälärne genä üz östenä alaçaq dip azsızıqlanğan. İkençe törle äytkändä NATO nindi de bulsa operatsiäne berençe bulıp kire qağu xoquqına iä bulaçaq. Robertson bolay dip añlattı (audio) Ber qayçan da Yevropa Berlege bilgele xalıq sanı yäki bilgele zurlıqtağı ildäge krizislarnı ğına xäl qılaçaq ä qalğannarın NATO dip aldan bilgeläp quyıp bulmıy.Minemçä in qulayı andıy xäl kilep çıqqaç qarar birü. Yevropa Berlege citäkçeläre 1992 nçe yılda Petersberg missiäsendä üzläreneñ xärbi ambitsiälären bilgeläde , anda sivil ğädättän tış xällär, sivilllärne evakuatsiäläw, krizis mwenecmentı häm tınıçlıq saqlaw dip äytelgän.Bu bik faydalı häm berlek illäreneñ säläten kürsätä. Robertson AQŞları yevropa baqçasındağı här yangınnı sünderergä cıyınmıy ,ayruça Yevropa Berlege AQŞnıñ NATOdağı bik qıymätle cihazların qullanu mömkinçelegenä iä bulaçaq , zur transport oçqıçları , , havada yağulıq täminatı, bik töğäl qorallarnı berlek üze eşläp çığarğançı küp waqıt ütär dip söyläde . AQŞnıñ Yevropa Berlegeneñ saqlanu plannarın tänqitläwenä qarata Germaniä saqlanu minsitırı Peter Struck bezneñ plannar Tönyaq Atlantik berektäşlegeneñ Yevropa bağanasın nığıtunı ğına mäqsat itep quy, köçle Yevropa Amerika mänfäğätlärenä turı kilä dip söyläde

färidä xämit,praga
XS
SM
MD
LG