Accessibility links

дүшәмбе, 5 декабрь 2016, Казан вакыты 13:34

NATO saqlanu ministrları Brüsseldä terrorğa qarşı köräş häm töbäkara totrıqlılıq turında söyläşte


NATO illäreneñ saqlanu ministrları bügen Brüsseldä terrorğa qarşı köräşne arttıru häm töbäklärdäge totrıqlılıqnı saqlap qalu turında fiker alıştı. Ukraina saqlanu ministrı Yevgen Marçuk belän oçraşqan NATOnıñ General Sekretare George Robertson, Ukraina Balkanda häm Ğiraqta tınıçlıq saqlawğa üz öleşen kertä, ämma Ukrainanıñ üzendä xärbi reformalar uzdırırğa kiräk, dide.

NATO General Sekretare George Roberston Bosniäneñ bülengän xärbi köçlären ber qanat astına cıyu qararın xuplap çıqtı. 1995nçe yılda imzalanğan, Bosniä suğışınıñ tämamlanuına kitergän Dayton Kileşülärennän soñ mondıy qarar – çirattağı möhim adım bulıp tora, dide Roberston.

Kiçä Bosnia parlamentı Möselman Xorvat Federatsiäse häm serblarnıñ Republika Srbskadağı ğaskärlärne berläşterep ber kontrolgä alu turında qanun qabul itte. Älege qarar Tınıçlıq öçen Xezmättäşlek isemle programma qısalarında qabul itelde. Bu üz çiratında Bosniäneñ NATOğa kerüen ciñeläytä.

XS
SM
MD
LG