Accessibility links

якшәмбе, 4 декабрь 2016, Казан вакыты 23:33

Qazanda yäşlär oyışmaları forumı ütte


«Yäşlär oyışmaları forumı», dip atalğan bu çara «Berdäm Rusiä» firqäseneñ qorıltayına bik oxşağan ide. Basketxoll binası firqä bayraqları belän bizälde, «Bez berdäm» digän şiğärlar elende. Xakimiät firqäse bulğaç, «Berdäm Rusiä»neñ Yäşlär eşläre ministrlığı yärdäme belän Yäşel Üzän, Çallı, Baltaç, Mamadış, Layış, Qazan häm başqa rayon, şähärlärdän uquçılarnı kitertep, qupşı çaralar ütkärü mömkinlege bar.

Respublika saylawçılarnıñ 40% - yäşlär, şuña şuşı çarağa küp köç salınğan ide. Yäşlär oyışmaları forumnarında, ğädättä, yäşlärne borçıy torğan problemalar xaqında söyläşü bula torğan ide. Bu yulı isä tamaşa bilgele firqä öçen tawış birergä öndämälärgä genä qaytıp qaldı

.

Tatarstannıñ yäş talantların, sportçıların säxnägä çığarıp qotladılar. Şayannar häm tapqırlar säxnägä çığıp, säyäsi temalarğa mäzäklär kürsätte. Ä Tatarstan cırçıları tuğan yaqnı yaratu turında cırlar cırladı. Şunıñ belän bergä, waqıt-waqıt, alıp baruçılar ni säbäple cielğannı iskä töşerep tordı. Yäşlär arasında tanılğan keşelär dä säxnägä çığıp, bilgele firqä öçen tawış birergä çaqırdı.

Bu firqäneñ yäşlär qanatı citäkçese Aleksandra Buratayeva da bu forumğa kilde häm üze belän yäşlär yarata torğan Mäskäw cırçıların alıp kilde. Räsmi xäbärdä äytelgänçä, «Dinamit», «Fabrika» kebek törkemnär firqäne xörmät itep, bik az bäyägä genä cırlarğa rizalaşqan ikän. Soñınnan, üz ara äñgämälärdä äytkänçä, buşlay konsert qarağan yäşlär bik qänäğät qalğan. Ämma buşlaw ğına tügel ikän.

Çarağa Prezident kiler aldınnan, alıp baruçılar zaldağı yäşlärne qıçqırtıp, qul çaptırıp aldılar. Quldan yazılğan şiğerlärne kütärergä, bayraqlarnı selkergä quştılar. Zal buylap, firqä iseme yazılğan külmäklärdän kiengän yäşlär tordı. Alar, bilgele ber waqıtta torıp basıp, yäşlärne üzläre belän bergä qul çaptırdı, şiğär kütärtterde, qıçqırttı.

Bu forum aldınnan şuşı cawaplı keşelär, Basketxollğa cielıp, yäşlärne qul çaptıru künegülären yasap qarağan ikän. Äytergä kiräk, bergäläp qul çabuı häm qıçqıru, şaqtıy ışandırırlıq itep kilep çıqtı. Bigräk tä «Sälät» oyışmasında toruçılarnıñ sarı yawlıqları yış kürende. Läkin bäyrämneñ axırında, yäşlär şaqtıy qızdı häm cawaplı keşelärgä «qul çabığız», dip işärälär kürsätergä turı kilmäde. Säxnägä firkäneñ Yuğarı şura äğzäse Mintimer Şäymiev belän yäşlär qanatı citäkçese Aleksandra Buratayeva çıqqanda, zal alqışlarğa kümelde.

Axırda,Tatarstan prezidentı, yäşlärdän yarım çın, yarım şayarıp imtixan aldı. Firqäneñ buletendäge nomerın häm nämzätlären sorap çıqtı. Äytergä kiräk, säyäsätçelärdän barı tik Tatarstan prezidentı ğına bäyrämdä tatarça söyläşte. Häm yäşlär oyışmalarınnan barı «Sälät» fondı balaları ğına tatarça cırlı-biüle çığış yasadı.

Bikä Timerova.

XS
SM
MD
LG