Accessibility links

Кайнар хәбәр

Litvada ilbaşı impiçment aldında tora


Litva, 9 ay elek eşbaşına kilgän prezident Roland Paksas qatnaşqan cancal belän selkenä.Parlamentnıñ mäxsus komissiäse äzerlägän xisapta , Paksas häm anıñ ofisınıñ oyışqan cinayätçelek belän bağlanışı bar, bu elemtälär milli iminlekkä qurqınıç tudıra dip däğwä itelä.. Parlament impiçmintkä äzerlängändä ,Prezident ğäyepläwlärne kire qağıp,urınınnan çigenmiäçägen belderä.

İke märtäbä premier bulıp torğan , ğıynuar ayında prezident itep saylanğan eleke pilot Roland Paksasnıñ politik kariärası bik kisken töşä başladı. Berençe bulıp iminlek köçläreneñ xisabında , Paksas ştabınıñ oyışqan cinayätçelek belän bağlanışı bar, anıñ ofisınnan yäşren informatsiä sarqıp çığa dip yazılğan ide.Parlament mäxsus komissiä oyıştırıp , mäsäläne tikşerä başladı .Komissiä bu elemtälär anıñ pozitsiäsen zäğifäläte häm ilneñ iminlegenä qurqınıç tudıra digän näticägä kilde.Parlament kiçä komisiä xisabın raslap, Paksas impicmentına yul açtı. Prezident Roland Paksas kiçä (audio) Min här waqıtta da Litva häm litvalılarnıñ mänfäğätlären yaqladım häm yaqlayaçaqmım.Beräw dä mine bu suqmaqtan kitergä mäcbür itä almi. Paksas üzen säyäsi ubırlı qarçıq awınıñ qorbanı buluın äytep,parlament komisiäse ber genä mäqsat quya- mine urınımnan çitlätü dide. Üktäber ayında Litva iminlek köçläreneñ xisabı mätbuğatqa bilgele bulğaç ,cancal qabındı. Anda Paksas häm anıñ milli iminlek mäsäläsendäge kiñäşçeseneñ xalıqara cinayätçe törkemnär belän elemtäse bar dip äytelgän ide.Paksasnı finans yağınnan yaqlağan rus eşmäqäre Juriyus Borisovas Sudan belän legal bulmağan qoral säwdäsenä qatnaşqan. Ul ğına citmägän Paksas, Russiä küzläw idaräse belän elemtädä tora dip şiklänelgän Almax PR şirkätneñ täsire astında qararlar birä digän xabärlär taraldı. Ul häm yardämçeläre yäşren mäğlümät tapşırğan. Menä bu xisap basılğannan soñ , yomğaq bik tizlektä sütelep, tıñlawlar başlatıldı. Soraw alınğan Paksas yardämçeläreneñ qayberläre urınınnan çigende. Paksastan, anıñ saylaw kampaniäsen töp finansiläwçe Borisovas soraw aldı. Bu atnada prezidentnıñ çigenüen taläp itüçe protest cıyınnarı artıp kitkändä , komisiä üz xisabın iğlan itte. Komissiä citäkçese Sakalas kiçä bolay dide(audio) komissiä,prezident çit il köçläreneñ täsirendä torğan möddätçe milli iminlekkä qurqınıç bar digän näticägä kilde . Premier Algidras Brazauskas prezidentnı impiçmentnı kötmi çigenergä çaqırdı.Deputatlar 36imza cıştırıp, impicment protsesın başlatmaqçı. Parlament şaxitlärne tıñlayaçaq ä soñraq tawış biräçäk, 141 urınlı parlamentta Paksasqa impiçment quyıp , çitlätü öçen 85 tawış kiräk.Paksas östennän ğadel protesess ütkäreläçäkme? Bu sorawğa Litva Tışqı Mönäsäbätlär İnstitutı direktorı Raimundas Lopata mondıy cawap birä(audio) İmpiçment prosedurası turında farazlaw mömkin tügel. Onıtmasqa kiräk ul qatmarlı vä ozaqqa suzılğan prosedura bulaçaq , ozın möddät eçendä belenmägän şartlar kilep tua ala , belenmägän faktlar politik uyında qullanıla ala. Xäzer konservativ partiä belän citäklägän eleke premier Kubilius bu cancalnı AQŞta prezidet Nixonnıñ Watergate skandalına oşata.Kubilius süzlärençä(audio) krizistan elek Litva bigräk tä bıyılda bik tiz üskän iqtisadı säbäple Yevropa häm Dönya mätbuğatında Baltyq yulbarısı dip atala ide ,xäzer isä dönya mätbuğatında ul prezident skandalı säbäple telgä alına .Bu noqtadan qarağanda il imicine bik zur zarar bulıp tora. Ämma Kubilius eşneñ uñay yağı da bar dip äytep(audio) Litvanıñ parlamentta açıq häm ütä kürenmäle prosedura aşa krizisqa demokratik xäl çarası tabuı , Litva demokratiäseneñ ölgergänen häm Litvanıñ, başqa demokratik illärdä dä qayçaqta bulğan andıy krizislarnı xäl qılırğa äzer buluın kürsätä. Eşlär şuna barıp citkäç bälkim dä premier Brazauskas äytmeşle ilneñ abruyına zarar kitermes öçen prezidentnıñ çigenüe xäyerleräkter.

färidä xämit,praga
XS
SM
MD
LG