Accessibility links

якшәмбе, 11 декабрь 2016, Казан вакыты 16:55

Gruziägä saylawlarğa äzerlänergä yardäm iter öçen AQŞ wäkilläre kilde


Bügen Gruziägä prezident saylawlarına äzerlek eşlärendä yardäm iter öçen Amerikan belgeçläre kilde. Quşma Ştatlar Gruziägä 4 ğınwarda uzaçaq prezident saylawları häm ğınwarnıñ 25ndä yañadan ütkäreläçäk parlament saylawlarına äzerlänergä yardäm itäçägen beldergän ide.

Bügen Gruziädäge Acarstan respublikası başlığı Aslan Abaşidze, Rusiädä çağında, ägär dä prezident saylawları köne kiçekterelmäsä, Acarstan tawış birüdä qatnaşmıyaçaq, dip belderde. "Mondıy yuğarı däräcädäge saylawlarğa nıqlap äzerlänergä kiräk. Tağın ber tamaşa teläsägez – uzdırığız saylawlarnı, tawış birü kiçekterelmäsä – bez qatnaşmıyaçaqbız", dide Abaşidze.

XS
SM
MD
LG