Accessibility links

якшәмбе, 4 декабрь 2016, Казан вакыты 07:06

AQŞ Däwlät Sekretare Colin Powell "Geneva Kileşüe" - Yaqın Könçığışta tınıçlıq urnaştırunıñ alternativ planın - tözüçelär belän oçraşırğa täqdim itte


Kiçä Amerikan Däwlät Sekretare Colin Powellneñ Yaqın Könçığışta tınıçlıq urnaştırunıñ " alternativ planı" mäs'äläsendä anı icat itüçelär belän oçraşırğa qarşı bulmawı turındağı belderüenä İsrael bügen yomşaq qına " bez Powell belän bäxäskä kerergä telämibez" dip belderde. "Geneva kileşüe" dip isemlängän şuşı tınıçlıq planın tözüçelär belän Powell comğa könne oçraşırğa täqdim itkän ide. Anıñ süzlärençä, älege täqdim ber dä Quşma Ştatlarnıñ, elek tözelgän "tınıçlıq yulı" planınnan baş tartuın añlatmıy. "Minem häm amerikan xökümätendäge başqa keşeneñ tınıçlıq buldıru yulları turındağı yaña fikerlären tıñlamasqa ber säbäp dä yuq, dip uylıym. Däwlät Sekretare bularaq, minem amerikan xalqı, prezident häm başqa xezmättäşlärem aldında torğan burıçım – qızıqlı idealarnı cıyu. Bu üz çiratında bezneñ İsraelne yaqlamıy başlawnı añlatmıy, bu bezneñ "tınıçlıq yulı planınnan" baş tartunı kürsätmi," dip belderde Colin Powell. Amerikan Däwlät Sekretare bügen Morokkoda.

Ämma kiçä İsrael premyer-ministrı urınbasarı Ehud Olmert, İsrael radiosına birgän äñgämäsendä, Powell älege yaña plannı icat itüçelär belän oçraşıp "xata yasıyaçaq" dip beldergän ide.

XS
SM
MD
LG