Accessibility links

дүшәмбе, 5 декабрь 2016, Казан вакыты 03:36

Äfğanstannıñ ike qır komandirı awır qoralların tapşırırğa rizalıq birde


Quşma Ştatlar saqlanu ministrı Donald Rumsfeld, Äfğanstandağı ike qır komandirınıñ awır qoralların tapşırırğa rizalıq birüwen - bik möxim adım dip atadı. Bügen Kabulda Äfğan prezidentı Xomid Karzai belän matbuğat oçraşuwı ütkärep ul bolay dide:

Audio (Donald Rumsfeld)

"Bez alar belän qoral tapşıru turında söyläştek. Alar ikese dä bu eşne inde başladı, häm bez moña xuplaw belderäbez. Bu Äfğanstan öçen bik möxim adım."

Rumsfeld Mazari-Şäriftä Äfğanstannıñ ike komandirı: Abdul Räşid Dustum häm Atta Möxämmät belän küreşte. Ul alarnı xärbi köçlären Äfğanstan armiäsenä tapşırırğa öndäde. Bu komandirlarnıñ ikese dä prezident Karzainı xuplawın belderä, ämmä Taliban bärep töşerelgännän birle menä inde 2 yıl üz-ara suğışıp yata ide.

Şul uq matbuğat oçraşuında prezident Xomid Karzai ildäge wazğiätneñ yaxşıra baruın äytte. Ämmä, Äfğanstannan kilgän ikençe xäbärdä äytelgänçä, ilneñ könyaq-könbatışında Taliban suğışçıları, xalıq sanın aluçılarnı saqlağan Amerikan xärbilärenä xäcüm yasağan. Näticädä BMO xezmätkäre bulğan ber Äfğanlı ülgän, 11-e yaralanğan. Kabulda Hizb-äl-İslami törkeme äğzaları dip sanalğan 2 keşe qulğa alınğan.

XS
SM
MD
LG