Ütkändä sotsial tigezsezlek , politik mäsälä ide , häm ul kommunistlarğa qaldırılğan ide. Ämma üktäber ayında Xodorkowskinıñ qulğa alınuı belän Rusiädä baylar, yarlılar mäsäläse Dumada urın alırğa tırışqan här partiäneñ şulsanda pro-Kreml Berdäm Rusiäneñ dä eşenä äylände.Yäkşämbedä saylawlarnı küzätäçäk Yevropada İminlek vä Xezmättäşlek Oyışmasınıñ saylaw missiäse başlığınıñ urınbasarı Robert Barry süzlärençä(audio) Bu mäsälälärneñ kiñ räweştä söyläşelgän saylaw aldı kampaniäse tügel ide. Bu kampaniedä şäxeslär, Berdäm Rusieneñ yulı häm anıñ xakimiätäge partiä buluı turında küp säylände .Minemçä oligarxlar häm Xadorkowskinıñ xalıq tarafınnan niçek bäyälänüe töp mäsälälärdän berse buldı.
V:Putin citäkçelegendäge Kreml, 90-nçe yıllar urtalarında xosusiläşterüdän faydalanıp zur aqçalar eşlägän oligarxlardan üzen çitlätü öçen tırışa.Säyäsi Texnologiälär Üzägennän Dimitri Orlow Berdäm Rusiä yuğarı mäğaş, pensiälärne arttıru wäğdäläre belän kampaniä alıp bardı , yäğni oligarxlarnı telgä almıy -sotsial mäsälälärgä basım yasadı di( audio)
İsemlegendä ike ministır, 29 regional citäkçe bulğan Berdäm Rusiä söyläşü tügel ä ğämällär partiäse digän imic birergä tırıştı üzenä.VTSİOM –A fiker beleşü oyışması başlığı Yuri Levada Partiäneñ pozitsiäse küp kenä saylawçılarnıñ fikeren çağıldıra di :( audio)
Demokratik opozitsiä - yäğni Yabloko häm Uñ Köçlär Berlege dä sotsial tigezsezlekne töp mäsälä itep privatizatsiä çorındağı qayber ekstrem eşlärneñ tözetelüen taläp itte. Jirinowskinıñ millätçe partiäse ''bez yarlılar bez ruslar öçen'' digän şiğar astında kampaniä alıp bardı. Kommunistlar üzläreneñ in yaratqan temasınıñ yarıştağı barlıq partiälär tarafınnan kütärelüen qarap tordı. Dimitri Orlow bu sezonnıñ töp politik mäsäläsen yawlap alu ide digän qaraşta. Orlow süzlärençä(audio)
Berdäm Rusiäneñ strategiäse uñışlı buluğa oşıy. Fiker beleşülär Dumada komminsitlar sanınıñ kimiäçägen kürsätä.Opozitsiä Kreml partiäsen üz täsir häm resurslarnı ğädel bulmağan räweştä qullanuda ğäyepli. Putin Däwlät televidiniäsendä birgän ängämädä partiäne yaqlap çıqtı. Başqa programmalarda oponentlar bigräk tä tiskäre itep kürsätelde. Berdäm Rusiäneñ televidiniä debatlarına qatnaşunı kire qağuı opozitsion partiälärneñ açuın çığardı. Kommunistlar Partiäse citäkçese G.Züganov küptän tügel genä üz pozitsiäsen yaqlap Berdäm Rusiä kandidatların televidiniädä söyläşügä çaqırdı. Züganov(audio)
Saylaw aldı kampniäsendä küp kenä namzätlär Russiädä toraq probleması,unmeñnnärçä keşeneñ susuz elektrsız yäşäwen , xärbi reforma tirä yün problemaların kütärep çıqtı. Könbatış kiñ küläm mäğlümät çaralarınıñ qayberläre Rusiädä barğan saylaw aldı kampaniäsendä köçlär arasındağı ayırma şul qädär zur ki añı yarış dip tä atap bulmıy digän fiker beyan itte.
färidä xämit, praga
färidä xämit, praga