Accessibility links

Кайнар хәбәр

AQŞ saqlanu ministrı Donald Rumsfeld Rusiäne, Gruziädän ğäskären çığarırğa çaqırdı


Quşma Ştatlar saqlanu ministrı Donald Rumsfeld bügen Gruziägä kilep ilneñ waqıtlı prezidentı Nini Burjanadze häm prezidentlıqqa namzät Mixail Saakaşvili belän oçraştı. Soñnan ütkän matbuğat oçraşuında Rumsfeld, Rusiäne, Gruziädän ğäskären çığaru wäğdäsen ütärgä çaqırdı:

Audio (Donald Rumsfeld)

"Bu ğäskärlärne çığaru turında 12 yıl elek İstanbulda kileşengän ide. Bu Gruziä xökümäteneñ teläge ide, Rusiä İstanbul kileşülären qabul itte, yağni bu mäsälädä berdäm fiker bar dip añlıym."

İstanbul kileşüläre nigezendä Rusiä, Gruziädä sovet çorınnan qalğan ike xärbi nığıtmasın yabırğa, häm tağın ikesen yabu turında söyläşülär başlarğa süz birde. Ämmä bu söyläşülär älegä näticä birmäde. Rumsfeld Gruziäne Könbatışnıñ ışanıçlı dustı bulırğa çaqırdı häm kiläse ayda ğädel häm irekle saylawlar ütkärü niätenä xuplaw belderde.
XS
SM
MD
LG