Accessibility links

сишәмбе, 6 декабрь 2016, Казан вакыты 13:12

Bagdad mäçete yanında bulğan şartlawda ber amerikan xärbie häm 4 ğiraqlı xäläk buldı


Bügen Bagdadnıñ Äl-Samarrai mäçete yanında, amerikannarnıñ xärbi maşinası ütep barğanda, bomba şartladı. Näticädä ber xärbi häm kimendä 4 ğiraqlı xäläk bulğan, 13 keşe yaralanğan, dip xäbär itelä. Zıyan kürüçe civil keşelärneñ kübese yänäşädäge avtobus pasajirları bulğan. Politsiä kapitanı Sami Hadi süzlärençä, qızu säwdä barğan urınğa quyılğan bomba çittän torıp şartlatılğan. Bügen Ğiraq başqalasında meñgä yaqın keşe civil xalıqqa qarşı terror xöcümnären tuqtatırğa taläp itep protest çarası ütkärde. Ğiraqtağı amerikan administartsiäse başlığı Paul Bremer süzlärençä, aldağı berniçä ayda, xakimiät koalitsiä köçlärennän Ğiraqnıñ yaña xökümätenä tapşırılğanda, andıy xöcümnär sanı artırğa mömkin.

XS
SM
MD
LG