Accessibility links

сишәмбе, 6 декабрь 2016, Казан вакыты 22:58

Serb generalı Stanislav Galiç suğış cinäyätläre öçen 20 yıl törmägä xökem itelde


Haagada urnaşqan Suğış cinäyätläre mäxkämäse Bosnia serblarınıñ elekke xärbi citäkçese Stanislav Galiçnı 20 yıl törmägä xökem itte. 17 ay barğan mäxkämä eşennän soñ bu qararnı bügen xäkim Alphonse Orie iğlan itte:

Audio (Alphonse Orie)

"General Galiç, mäxkämä küpçelek tawış belän sezne 20 yıl törmägä xökem itä. 101nçe matdä nigezendä, moña saq astında ütkärgän waqıtığız da kerä."

Serb generalı Stanislav Galiç Bosnia suğışı waqıtında Saraevonı basıp alu operatsiäse belän citäkçelek itkän. 44 ay däwam itkän basıp alu waqıtında meñlägän keşe xäläk buldı. General şulay şähärneñ cämäğät urınnarın bombalarğa färman birgän. 94-neñ fevralendä Saraevo bazarı bombalanu näticäsendä 66 keşe xäläk buldı, 140-ı yaralanğan ide. Prokurorlar Galiçqa ğömerlek törmä sorağan ide.

XS
SM
MD
LG