Accessibility links

җомга, 2 декабрь 2016, Казан вакыты 21:04

Qazanda fizik mömkinçelekläre çiklängän keşelärgä yärdäm itälär


İnde uqu yılı başlanğanğa şaqtıy küp waqıt ütügä dä qaramastan, Tatarstanda yaña mäktäplär ay sayın diärlek açılıp tora. Comğa könne dä respublikanıñ Kama Tamağı rayonında yaña uqu yortı açılu tantanası uzdı. 850 uquçığa isäplängän bu mäktäpne açuda premyer-ministr Röstäm Miñnexanov ta qatnaştı. Şul uq könne ul Apas rayonında da bulıp qayttı. Anda Röstäm Miñnexanov sotsial’ xezmät kürsätü üzägen açu tantanasında qatnaştı. Qazanda isä comğa könne balalar baqçası üz işegen açtı. Älege baqça başqalanıñ Yaña Savin rayonında urnaşqan häm anıñ açıluı rayon oyışuğa 9 yıl tulu uñayına turı kiterelgän ide. Ä 6nçı dekaber könne Möslim rayonınıñ Qaramalı awılında yaña mäçet açılaçaq. Andağı tantanalarda Tatarstan möselmannarı Diniä näzaräte räise, möfti Ğosman xäzrät İsxaqi qatnaşaçaq. Ber mädäniät xäbäre. Ğabdulla Tuqay isemendäge tatar däwlät filarmoniäsenä bu könnärdä yaña citäkçe bilgelände. Xäzer filarmoniäne elek Ğäliäskär Kamal teatrı direktorı urınbasarı bulıp eşlägän Qadim Nurullin citäkläyäçäk. Qazanda bu könnärdä fizik mömkinçelekläre çiklängän keşelärgä yärdäm kürsätü unkönlege bara. Älege çaralar 3nçe dekaberdä bilgelänep ütä torğan Xalıqara invalidlar könenä bağışlana. Şuşı uñaydan böten respublika buyınça fizik mömkinçelekläre çiklängän keşelär öçen aralaşu kiçäläre, konsertlar oyıştırıla, tüläwsez xezmät, törle yärdäm kürsätelä. 4nçe dekaber könne isä Qazanda şuşı köngä bağışlan zur bäyräm ütte. Läkin yärdäm qulı älege bäyrämdä qatnaşqan 2 meñ keşegä genä tügel, ä Qazanda yäşäwçe 62 meñ fizik mömkinçelekläre çiklängän keşelärgä suzılır dip ömetlänäse kilä. Häm bu yärdäm nindider könnär yäki saylawlar aldınnan ğına bulmasın ide.

XS
SM
MD
LG