Accessibility links

шимбә, 3 декабрь 2016, Казан вакыты 22:53

Kandahar bazarında bulğan şartlaw näticäsendä kimendä 15 keşe yaralandı


Bügen Äfğanstannıñ könyaq-könçığışnda urnaşqan bu şähärneñ üzäk bazarında bulğan şartlaw näticäsendä kimendä 15 keşe yaralanğan. Şähärneñ politsiä başlığı Möxämmät Xaşim süzlärençä, bomba bazar yanında torğan motosikl yä velosipedqa quyılğan bulğan:

Audio (Möxämmät Xaşim)

"Bu xöcümne Äfğanstannıñ doşmannarı oyıştırğan. Alar bezneñ xalıqnıñ tınıç yäşäwen telämi, tınıçlıqnı cimerergä tırışa."

Cirle citäkçelär monıñ öçen Taliban häm Äl-Qaidä tarafdarların ğäyepläde. Taliban bärep töşerelgänçe Kandahar Taliplarnıñ ruxi üzäge sanala ide. Bügenge şartlaw Äfğanstannıñ Böyek Mäclese, Loya Cirğa utırışına berniçä kön qala buldı. Mäcles ilneñ yaña konstitutsiäsen raslarğa tieş. Taliban xäräkäte bu utırış aldınnan xäcümnär belän yanağan ide. Bügen Äfğanstan prezidentı Xomid Karzai Mäcleskä äzerlek yaxşı bara, läkin ul ber atnağa soñarıp başlanırğa mömkin dip belderde.

XS
SM
MD
LG