Accessibility links

Кайнар хәбәр

Bagdad mäçetendäge şartlawda 3 ğiraqlı ülde


Bügen Bagdad çitendä urnaşqan ber sönni mäçet yanında bulğan şartlaw näticäsendä 3 ğiraqlı xäläk bulğan, ikese yaralanğan dip xäbär itelä. Mäçetneñ imamı äytüençä, qorabannar barısı da irtänge namazğa kilgän mö'minnär bulğan.

Ğiraqnıñ tönyağında, Talafar şähärendä, amerikan nığıtması qapqası yanında, şartlatqıç tutırılğan maşina şartlağan. Näticädä 40-tan artıq amerikan xärbie häm 6 ğiraqlı yaralanğan. Berseneñ dä tormışı quqrınıç astında tügel, dielä. Amerikan komandirı Michael Linnington, monı intihar xöcüm dip atadı:

Audio (Michael Linnington)

"Maşina zur tizlek belän qapqağa taba kilgändä, saqta torğan ike xärbi ut açqan. Yörtüçe şartlatqıçnı waqıtınnan alda şartlatırğa mäcbür bulğan."

Tağın ber intihar xöcüm bügen Bagdadnıñ tönyağında urnaşqan amerikan nığıtması yanında bulğan. İntiharçı üzen-üze şartlatırğa cıyınğanda, xärbilär aña ut açqan. Xärbilär arasında qorbannar yuq dielä.
XS
SM
MD
LG