Quşma Ştatlarnıñ Äfğanstandağı ilçese Zalmay Xälilzad, şimbä köngä bilgelängän Loya Cirğa utırışın özü öçen, Taliban häm Äl-Qaidä tarafdarları yaña xöcümnär yasarğa mömkin dip belderde. Äfğanstannıñ Böyek Mäclese, Loya Cirğa, bu utırışta ilneñ yaña konstitutsiäsen tikşerergä cıyına. Amerikan xärbiläre wäkile Bryan Hilferty, bu uñaydan köçäytelgän iminlek çaraları kürelä dip belderde. Äfğanstannıñ könyaq-könçığışnda, Paqstan çigendä, "Taşqın" dip atalğan xärbi operatsiä bara. Anda 2 meñläp xärbi häm boralaqlar qatnaşa.
