Accessibility links

шимбә, 3 декабрь 2016, Казан вакыты 18:54

Fändäs Safiullin: Tatarstanda ügetläw eşlären alıp baru awır buldı


11 dikäberdä iske deputatlar öçen Däwlät Dumasında çığarılış kiçäse. Alar belän sawbullaşaçaqlar. Ä inde 15 dikäberdän 19na qädär alar üzläre eşlägän bülmälärennän çığıp kitep, binanı yaña saylanğan deputatlar öçen buşatırğa tieş. Bu çaqırılış deputatları şulay uq dürt yıl buyı yäşägän fatirların da qaldırırğa tieş. «Rodina» blogınnan inde yaña saylawlarda da qatnaşqan Fändäs Safiullin, bloqnın şaqqatqıç ciñüenä qaramasatn, Mäskäwdän kitärgä äzerlänep yöri. Glaz''ev, Ragozınnıñ Rodina bloğı Tatarstanda kiräkle prosentnı cıya almağan ikän. Tatarstan isemlegendä berençe urında torsa da Fändäs Safiullin biredä qalırına bik ömet itmi. Min annan bu «Rodina» bloğı niçek barlıqqa kilde. Anın küp tawış cıyuuı küplärne gäcäpkä qaldırdı, xattä ul bloqnı “Temnaya loşadka” dip tä atadılar. Sez ni öçen saylawlarda ul ul blok belän bergä qatnaştığız dip soradım.

Fändäs Safiullin: "Ul blok bik aşığıç räweştä oyıştı. Üzenä iärep kitärlek partiälär taba almadı. Läkin alar täqdim itkän idea miña oxşadı. Min Tatarstan isemlegendä berençe urında torsam da Tatarstannan bu blok kiräk däräcädä tawış cıya almadı. Minem öçen iñ ükeneçlese üzemneñ Däwlät Dumasına ütmäwem dä tügel, barı tik Tatarstannan Jirinovskiy partiäseneñ küp tawış aluı ğına borçıy. Saylawlar häm saylaw xaqındağı qanun ütä baylar öçen genä. Min ul qanunğa qarşı tawış birsäm dä, ul qabul itelde zamanında. Kandidatlarnıñ saylaw aldı çığışları çığımnarın xökümät kütärergä tieş dip sanıym. Läkin qanun buyınça ul barı tik aqçalı keşelär qanunı bulıp çıqtı. Şuña kürä üzem turında propaganda öçen min barı tik mömkin bulğança üz kesämnän tülädem. Läkin ul aqçalar säğätlär buyı televidinedän çığış yasarğa tügel, ber minut çığışqa da citmäs ide.

Başqortostandağı prezident saylawlarına kilgändä. Min ul respubliktağı tatar milläte öçen borçılam. Prezident nindi genä millättät bulmasın, Tatarstan prezidentı Mintimer Şäymiev süzläre belän äytkändä, tatar telenä ayırım status bulırğa tieş. Min bu cähättän şundıy wäğdä birüçene yaqlıym."

Fändäs Safiullin belän äñgämäne Azatlıq dulqınnarında sişämbe könne tıñlağız.

Näzifä Kärimova, Mäskäw

XS
SM
MD
LG