Accessibility links

Кайнар хәбәр

Amerikan xärbiläre Äfğanstandağı xöcüm näticäsendä 8 keşe, şul isäptän 6 balanıñ xäläk buluın tanıdı


Xärbilärneñ wäkile Bryan Hilferty süzlärençä, alarnıñ mäyetläre şimbä könne Paktia vilayätendä xäräbälär astında tabılğan. Hilferty äytüençä bu töbäktä Taliban citäkçese Mulla Cilani qaçıp yata, digän mäglümät bulğan. Mulla üze tabılmağan, ämmä 9 keşe qulğa alınğan. Bu Amerikan xärbiläreneñ soñğı könnärdä ikençe tapqır hata tanuwı buldı. Şimbä könne alar Ğanzi vilayätendä bulğan xöcüm waqıtında 9 balanıñ xäläk bulğanın tanığan ide. Äfğanstan prezidentı Xomid Karzai bu xälne tikşerä başlawın belderde:

Audio (Xomid Karzai)

"Min anda ike törkem cibärdem. Alar keşelär belän oçraşa. Älbättä bik ayanıç xäl. Kiläçäktä andıy xällärne buldırmasqa tırışabız."

Bryan Hilferty bu ülemnär uñayınnnan tirän ükeneç belderde, şul uq waqıtta, andıy xällärdän tulısınça qotılıp bulmıy, dip östäde.
XS
SM
MD
LG