Accessibility links

җомга, 9 декабрь 2016, Казан вакыты 10:55

Germaniä, Fransiä häm Rusiä Ğiraqnı tözekländerü eşennän çitlätü qararına kisken tänqit belderde


Quşma Ştatlarnıñ, Ğiraq suğışına qarşı çıqqan illärne Ğiraqnı tözekländerü eşennän çitlätü qararına Germaniä, Fransiä häm Rusiä bügen kisken tänqit belderde. Bu qararnı kiçä Quşma Ştatlarnıñ saqlanu ministrı urınbasarı Paul Wulfowitz iğlan itkän ide. Süz 18 milliard 600 million dollar külämendä 26 kontrakt turında bara. Rusiä tışqı eşlär ministrı İgor İvanov bügen Berlinda Germaniä tışqı eşlär ministrı Joschka Fischer belän oçraşqannan soñ, bar illärgä Ğiraqta tigez mömkinlek birelergä tieş, dide. Fischer, Washington qararına ğäcäplänü belderep, bu xaqta amerikan räsmiläre belän söyläşäçägen äytte. Fransiä Tışqı Eşlär Ministrlığı wäkile Herve Ladsous, Fransiä bu qararnıñ xalıqara qanunnarğa turı kilüwen tikşeräçäk, dip belderde.

XS
SM
MD
LG