Accessibility links

чәршәмбе, 7 декабрь 2016, Казан вакыты 17:29

Yevropa Berlege Konstitutsiäse tiräsendä citdi qarşılıqlar saqlana


Germaniä tışqı eşlär ministrı Joschka Fischer, Yevopa Berlegeneñ irtägä açılaçaq sammitında Konstitutsiä mäsäläseneñ xäl itelüwe dä soraw astında, dip belderde. Germaniä belän Fransiä 2000 yılda Nice şähärendä ütkän sammitta kileşengän saylaw sistemasın üzgärtergä teli. İspaniä belän Polşa moña qarşı çığa. Çönki bu sistema nigezendä alar, xalıq sannarı azraq buluğa qaramastan, Germaniä belän ber däräcädä tawışqa iä bulaçaq. Bügen Bundestagta çığış yasap, Fischer, Germaniä Konstitutsiäne kiçekterügä bara ala dip belderde:

Audio (Joschka Fischer)

"Min şunı äytergä telim di Fischer, Nice Kileşüwe fäqät berençe adım ide, 25 däwlättän toraçaq Yevropa Berlege öçen ul citärlek tügel."

Bügen Berlinda Germaniä kanslerı Gerhard Schröder şuşı mäsälädä Polşa prezidentı Aleksander Kwasniewski belän oçraştı. Oçraşu aldınnan Kwasniewski ägär Germaniä qaraşı ütsä, Polşa Konstitutsiägä veto salaçaq dip belderde. Yevropa Berlegeneñ Konstitutsiä yazmışı, soñ digändä bu şimbädä xäl itelergä tieş.

XS
SM
MD
LG