Accessibility links

шимбә, 3 декабрь 2016, Казан вакыты 10:00

Äfğanstannıñ yaña konstitutsiäse mäs'äläsendä Qabulda Loya Cirğa cıyıldı


Äfğanstan başqalasında ilneñ yaña konstitutsiäse mäs'äläsendä bügen Yuğarı Mäcles, Loya Cirğa cıyıldı. Böten Äfğanstannan cıyılğan 500 delegatnı elekke Äfğan patşası Möhammäd Zahir Şah sälamläde. Älege cıyın atna-10 kön däwam iter dip kötelä. Möhammäd Zahir Şah, konstitutsiä buldıru – yaxşı tormışqa taba adım, cıyında qatnaşqan här keşe – ilneñ töp qanunına üz täqdimnären kertä ala, dip belderde. 89 yäşlek "millät atası" Zahir Şah, delegatlarnı şulay uq bäxäslärgä açıq bulırğa çaqırdı, häm qararlarnı xalıq mänfäğätlärennän çığıp qabul itergä öndäde.

Prezident Hamid Qarzai, delegatlar qarşında çığış yasap, konstitutsiä Äfğan xalqına totrıqlı kiläçäkne tä'min itäçäk, dide.

Bügen Amerika Quşma Ştatlarnıñ Qabuldağı ilçelege, konstitutsiä cıyılışı barışında köç qullanu häm terror ğamälläre bulu ixtimalı turında kisätte.

XS
SM
MD
LG