Accessibility links

чәршәмбе, 7 декабрь 2016, Казан вакыты 21:29

Xakimiät firqäse saylawlardan soñ berençe qorıltayın uzdırdı


Bu «Berdäm Rusiä» firqäseneñ Tatarstan bülege saylawlardan soñ uzdırğan berençe cıyılışı . Käyeflär bäyrämçä ide. Saylaw näticäläre kötelgännän äybäträk bulıp çıqtı. Respublika xaqlınıñ 60% diärlek Prezident firqäse öçen tawış birde. Şuşı sannarğa tayanıp, firqäneñ Tatarstan bülege citäkçese Färit Möxämmätşin konferensiädä çığış yasağanda, «Xalıq xakimiätlärne yaqlıy» - dip belderde.

Ägär saylaw aldı kampaniäseneñ başında firqä isemlegennän 3-4 keşe genä ütär dip farazlansa, inde xäzer isemlelekkä kergän bar keşe dä Duma deputatı bulır dip uylanıla. Şuşı xakimiät firqäseneñ citäkçelege Tatarstan öçen Dumada 6,8 urın birä. Ägär, axırğı saylaw näticäläre bilgele bulğannan soñ, sannar üzgärmäsä, firqä isemlegenä kergän 7 keşe Duma deputatı bulırğa tieş. Alar arasında Yuriy Näcmiev, Mixail Rokitskiy, Änwär Möxämmätzakirov, Viktor Eltsov, İldar Gilmetdinov, Änbär Karmeev h.b. bar.

Bu keşelärneñ barısı da Tatarstanda däräcäle urınnarnı biläp tora. Alar, Duma deputatı kebek, şulay uq, däräcäle, ämma 4 yıl belän çiklängän, wazifanı saylarmı, ällä üz urınnarında qalırmı, tögäl genä äytep bulmıy. «Azatlıq» radiosı xäbärçese İldar Ğilmetdinov belän elemtägä kerep, aña bu sorawnı birde. Yäşlär eşläre ministrı urınbasarı İldar İrek ulı, tögäl näticälär bilgele bulsın başta, annarı küz kürer, dip cawap birde. Firqä wäkilläre itep isemlektä bulğan başqa keşelär dä, xällärneñ barışına küz tiderergä qurqa küräseñ, cawaptan baş tarttı häm qotlawlar qabul itärgä telämäde.

Firqäneñ cıyılışında säyäsi belderü dä yasaldı. Färit Möxämmätşin äytkänçä, firqä tarafdarlarınıñ Rusiä Prezidentı saylawlarında Vladimir Putinnı yaqlayaçağın äytte.

«Berdäm Rusiä» firqäseneñ tarafdarları soñğı 3 ay eçendä 42 dan 66 meñgä qädär artqan. Ä Mäskäwdä bulası qorıltayğa saylanğan 30 delegat arasında küpçelekne rayon başlıqları täşkil itä.

Bikä Timerova.

XS
SM
MD
LG