Accessibility links

шимбә, 3 декабрь 2016, Казан вакыты 14:46

Mäskäwdä mädäniät ministrlıgında “Rusiä Federatsiäse törki xalıqlarınıñ üseşe” digän temağa tügäräk östäl ütkärelde


Bügen, 16nçı dekäberdä Mäskäwdä mädäniät ministrlıgında “Rusiä Federatsiäse törki xalıqlarınıñ üseşe” digän temağa tügäräk östäl ütkärelde. Bu oçraşuda Rusiä Federatsiäse ministrı, Millәtlәr eşe belen şöğıllänüçe Vladimir Zorin Rusiä Federatsiäseneñ Mädäniät ministrı Mixail Şvıydkoy, Tatarstannan premer ministr urınbasarı Zilä Wälieva, mädäniät ministrı İldus Tarxanov, Bötendönya tatar kongressınıñ başqarma komitetı räise Rinat Zakirov qatnaştı, isemleklärgä qarağanda bu oçraşuda Başqortostannan premyer ministr urınbasarı Xäläf İşmoratov da qatnaşırğa tieş bulğan, läkin ul kürenmäde. Şulay uq Xaqasiäneñ һәм Çuwaşstannıñ da mädäniät ministrları da buldı. Alardan başqa törle milli mädäni möxtäriätlärneñ dä citäkçeläre bar ide. Bu oçraşunı törki xalıqlarnıñ mädäniäten kütärü һәм saqlap qaluda federal' programma tözü yulınıñ başlanğıçı digän näticä dä çığarırğa bula. Şul uq waqıtta çığış yasawçılar 1996nçı yılda da törki xalıqlarnı üsterü programması qabul itelgän bulsa da, finans ministrı ul programmanı matdi yaqtan tä`min itmäw säbäple, ul programma üzennän üze yuqqa çıqtı dip belderdelär. Bu oçraşu küp törle bäxäslär dä çığardı. Ni öçen törki xalıqlar mädäniäten saqlaw ğına qaralırğa tieş, başqa xalıqlarnıñ mädäniäte da şul uq däräcädä tügelmeni dip äytüçelär dä buldı. Vladimir Zorin üzeneñ çığışında xalıq sanın isäpkä alu bezneñ ildä 160 millät barlığın isbat itte. Alar barısı da üz illärendä yäşäwçe xalıq һәм tarix tarafınnan bezgä büläk itelgän dip belderde. Tatarlar bu yulı da Rusiä xalıqları arasında ikençe urında tora dide ul.

Törki xalıqlarnıñ mädäniäten üsterüdä federal programması kiräklekne Tatarstan täqdim itkän bulğan.Oçraşuda çığış yasağan Zilä Wälieva Tatarstan konstitutsiäseneñ 14nçe matdäse һәм Tatarstannıñ Rusiädä yäşüäçe tatar xalqına yärdäme turında söyläde. Ul xalıqlar nalogın tüli һәм alar xaqında cirle xakimiät belän berlektä Rusiä xäkümäte dä qayğırtırğa tieş dide. Anıñ bu süzlärenä mädäniät ministrı Mixail Şvıydkoy da teläktäşlek belderde. Üz çiratında Tatarstan mädäniät ministrı İldus Tarxanov, mädäniätne üstere öçen Rusiä külämendä berniçä yılğa ber genä märtäbä bulsa da fol'klor festivalläre ütkärergä kiräk digän tägdim yasadı.

Oçraşu axırında Şvıydkoy eşçe törkemneñ isemlegen iğlan itte. Anda Tatarstannan Zilä Wälieva, İldus Tarxanov, Rimzil Wäliev, Başqortostannan Xäläf İşmoratov kertelgän. Şulay uq anda tağı ber tanış isem, latin älifbasın Tatarstanda kertergä teläktäşlek birgän akademik Sergey Arutyunov ta bar.

Oçraşudan soñ min berniçä soraw belän Tatarstannıñ premer ministr urınbasarı Zilä Wälievağa möräcäğät ittem.

Audio

Sez Zilä Wälievanı tıñladılığız. Yazmanı Mäskäwdän Näzifä Kärimowa äzerläde.

XS
SM
MD
LG