Accessibility links

Кайнар хәбәр

Saddam qızları ätisenä ğädel xalıqara mäxkämä sorıy


Ğiraqnıñ İdarä Şurası äğzası, ilneñ Suğış cinäyätläre mäxkämäsen oyıştıruçılarnıñ berse Dara Nuraldin, Tribunal berniçä aydan ğına äzer bulaçaq, dip belderde. Bu mäxkämägä äle xäkimnär, xezmätlärlär tabası bar, dide ul. Saddam Xösäyengä ülem cazasın çığaru ixtimalına kilgändä, Dara xanım süzlärençä, bu mäsäläne Ğiraqnıñ kiläse yılda tözeläçäk küçeş xökümäte xäl itergä tieş.

Ul arada Saddamnıñ qızı Rağad, ätiläreneñ bu Tribunal tügel, ä Xalıqara mäxkämä tarafınnan xökem itelü telädegn belderde. Xäzerge waqıtta Jordan başqalası Ammanda yäşägän Raghad süzlärençä, Saddamnıñ ğailäse anı yaqlaw öçen advokat yallıyaçaq:

Audio (Rağat Saddam Xösäyen)

"Bez Saddamnıñ 3 qızı, ätiebezneñ İdarä Şurası tarafınnan tözelgän tribunalda xökem itelüwen telämibez, çönki anıñ artında kem torğanın beläbez. Bez aña ğädel xalıqara mäxkämä sorıybız, häm bezneñ anı yaqlarğa xoquqıbız bar."

Ğiraqnıñ üzendä Saddamğa qarata qapma-qarşı fikerlär äytelä. Bagdad üzägendä yözlägän keşe aña qarşı demonstratsiä ütkärsä, Mosul şähärendä yözlägän student elekke diktatornı yaqlap demonstratsiä ütkärde.
XS
SM
MD
LG