Düşämbegä qarşı töndä Dağıstanğa bärep kerep, 9 çik saqçısın ütergän häm totıqlar alğan qorallı törkem qaçıp kitä alğan, dielä. Başta Dağıstan politsiäse bu törkem Galatli awılında qamawğa alındı, dip xäbär itkän ide. Ämmä soñnan Dağıstan eçke eşlär ministrı urınbasarı Magomed Gazimagomedov törkem, 11 totıqnı qaldırıp awıldan çığıp kitkän dip belderde. Totıqlarğa zıyan kilmägnän, dip xäbär itelä. İnterfax agentlığı mäglümätenä qarağanda, törkem Galatli awılınnan uzğan töndä ük çığıp kitkän. Yağni, qamawğa alu turında belderülär yasalğanda, alar inde awılda bulmağan.
