Accessibility links

якшәмбе, 4 декабрь 2016, Казан вакыты 01:04

Ğıraqnıñ waqıtlı tışqı eşlär ministrı BMO-nı tänqitli häm anı yardämgä çaqıra


Ğıraqnıñ vaqıtlı tışqı eşlär ministere Zebari BMOsı İminlek Şurasın Ğıraq mäsäläsendäge fiker ayırmalıqların beterep ilenä yardäm itärgä çaqırdı. Ul BMOsın Saddam rejimına Ğıraqlılarnı ezärleklävenä yul quyğanı öçen tänqitläde häm ber ük vaqıtta kiläse altı ayda xakimiätne üz qulına alırğa äzerlängän şıraqlılarğa yardäm itärgä çaqırdı. Üz nävbätendä BMOnıñ general sekretarı Kofi Annan oyışmanıñ Ğıraqtağı politik rolenä Ğıraqlılarnıñ häm İminlek Şurasınıñ açıqlıq kertüen soradı.

Ğıraq väkile demokratiä urnaştıru mäsäläsendä xalıqara yaqlau öçen İminlek Şurası belän yaña dialog başlap cibärde. Vaqıtlı tışqı eşlär ministere Hoşyar Zebari Ğıraq İdarä Şurası belän ireşelgän kileşügä esasän Ğıraqnıñ suverenlığın torğızu planı turında mäğlümät birde. İminlek Şurasında üz eçendäge fiker ayırmalıqların beterergä häm rekonstruksiä mäsäläsendä beläşergä çaqırdı. Zebari şulay uq BMOnı Saddamqa üz xalqın izüenä yul quyğanı öçen dä tänqitläp bolay dide

Audio

"Oyışma bularaq BMO Ğıraq xalqın 35 yılğa suzılğan cinayätçel tirannan qotqaruğa yardäm itmäde. Bügen bez ul xatanıñ meñärlägän qorbannarınıñ tanıqlığına şaxitbez. BMO Ğıraq xalqına qarata yañadan xata eşlämäskä tieş."

BMOsınıñ general sekretarı Kofi Annan Ğıraqtağı qurqınıçsızlıq mäsäläse xalıqara belgeçlärne anda qaytaruğa yul quymıy dip beldergän ide. Zebari imilek väğdä itte häm Eçke eşlär ministerlege bu mäsälädä yardäm itä ala dip äytte.

Audio

" Bez barıbız da terror obyektı bulıp torabız. BMO ğına tügel, ä koalitsiä häm ğadi Ğıraq keşeläre dä . Bez qarşı çığıp terrostlarnı ciñärgä tieşbez."

Fransiä ilçese Jean-Marc de La Sabliere jurnalistlarğa Ğıraqtağı politik protsesqa köç qullanunı kire qaqqan balıq politik aktörlär qatnaştırılırğa tieş dip belderde .

Audio

"Bu döres yünäleştäge adım. Noyäberneñ 15-dä ireşelgän kileşü mäsäläne ğadiläşterü tırışlığı buldı. Bu mömkin bulğan qädäre tizlek belän vaqıtlı xökümät buldırunı küz aldında totqan Afgan modelına oxşıy."

Britaniä ilçese Jones Parry BMOsı yaqın kiläşäktä Ğıraqtağı politik protsesqa qatnaştırılaşaq häm bu uñay ber küreneş dip belderde. Läkin, anıñ fikerençä, BMO vaqıtlı xökümät iyülneñ 1-ndä xakimiätne üz qulına alğannan soñ ğına töp rol uynıy başlıy alaçaq. Parry İminlek Şuarsı ağzaların Ğıraqtağı demokratik protses xisabına kamillek taläp itmäskä çaqırdı.

Audio

"Ğıraqnıñ nindi xäldä bulğanın küz aldında totqanda xäzerge vazğiätnı zur alğa kiteş dip bäyäläp bula. 1959-nçe yıldan birle bu xaqta uylanılmağanda, bez altı ay eçendä kamil, ideal demokratik vazğiätnıñ urnaşuın kötä almıybız."

AQŞ räsmi şäxesläre İminlek Şurası Ğıraqta üzidarä buldıru planın yaqlar dip ömet itsälär dä, ilçe John Negropontı, bu protsenı yaqlağan rezolutsiä yaqın kiläçäktä täqdim iteler dip kötelmi dip äytte.

Färit İdelle, Praga.
XS
SM
MD
LG