Başqortstan ber genä namzät öçen eşli. 21 dekabr könne ikençe turda ütäçäk prezident saylawlarınıñ näticäse bilgele. Şul uq waqıtta 7 dekabr saylawlarınıñ näticälären yuq itüne taläp itep açlıq iğlan itüçelärgä könnän kön kübräk keşe quşıla. Protest çarasında qatnaşuçılar – tawış sanawda namzätlärneñ berse, Rälif Safinnıñ xoquqları bozıluı turında däğwa itä. Aç toruçılar üzlärenä xalıqara mäğlümat çaralarınıñ iğtibarın cälep itergä teli. Başta republikanıñ ere şähärlärendä başlanğan bu çarağa xäzer inde Ufada da 60qa yaqın keşe quşılğan. Alarnıñ qayberlären sez bezneñ çärşämbe tapşıruında işetä alasız.
Mönir Wafin, Ufa
Mönir Wafin, Ufa
