Accessibility links

шимбә, 10 декабрь 2016, Казан вакыты 23:29

Başqortstan şähärlärendä açlıq çarasında qatnaşu arta bara


Ufa. Başqortstanda prezident saylawları näticälären bozuğa qarşı dikäberneñ 13-endä başlanğan açlıq çarası cäyelä bara. Anda qatnaşuçılar sanı xäzer 200-gä citte dip xäbär itä "Azatlıq" radiosınıñ Ufadağı xäbärçese. Ufanıñ üzendä genä 60-lap keşe açlıq tota, alar saylaw näticälären bozu oçraqlarına Başqortstannan çittäge bäysez mäğlümat çaraları iğtibarın cälep itärgä teli. Açlıq çarası Tuymazı, Salawat, Sibay, Başqortstannıñ tağın berniçä töbägendä bara. Anda qatnaşuçılar tawış birü waqıtında xärämläşülär buldı häm şul säbäple saylaw näticäläre ğämäldän çığarılırğa tieş dip belderä. Alarnıñ kübese Başqortstan prezidentlığına däğwa itkän häm räsmi näticälärgä qarağanda, berençe turda öçençe kilgän Ralif Safin tarafdarı, alar saylawlarda küzätüçe bulıp torğan häm xärämläşülärne üz küzebez belän kürdek dip belderä.

XS
SM
MD
LG