Accessibility links

якшәмбе, 11 декабрь 2016, Казан вакыты 14:58

Ğiraqnıñ elekke prezidentı Bagdad tirälärendä totıla dip xäbär itelä


Bagdad. Ğiraqnıñ Waqıtlı idarä şurası äğzası Muwafaq äl-Rubai süzlärenä qarağanda, uzğan şimbädä totqarlanğan Saddam Xösäyen xäzerge waqıtta Bagdad tirälärendä totıla häm şul urında ul mäxkämägä qädär qala ala. Amerikan wäkilläre moña qädär, Saddam bilgesez ber urında totıla dip beldergän ide. Bügen irtän Ğiraq başqalasında sıyıq yağulıq tutırılğan yök maşinası şartlatıldı, şunıñ näticäsendä kimendä 10 keşe hälak buldı, 15-e törle cäräxätlär aldı. Ul arada Ğiraqtağı amerikan köçläre, başqala Bagdadtan tönyaqta yatqan Samarrä şähärendä andağı ğısyançılarğa qarşı xärbi çaralar kürüwen däwam itte. Bügenge tikşerülär tınıç ütte dip xäbär itelä. Kiçä anda amerikannar tarafınnan, 70-läp şikle keşe qulğa alınğan ide. Tönyaqtağı Mosul şähärendä bügen Saddamnı yaqlap oıştırılğan uram cıyınında 4 student atıp üterelgän.

XS
SM
MD
LG