Accessibility links

дүшәмбе, 5 декабрь 2016, Казан вакыты 11:38

Rusiä qorallı köçläre häm Dağstan militsiäse çäçän suğışçıları törkemen ezläwne däwam itä


Maxaçqala. Rusiä ğäskäriläre häm Dağstan militsiäse, berniçä kön elek respublikağa kergän häm Rusiäneñ 9 çik saqçısın ütergän çäçän suğışçıları törkemen ezläwne däwam itä. Dağstan eçke eşlär ministrlığı wäkile Anjela Martirosova süzlärenä qarağanda, ezläw eşlärendä 2 meñnän artıq ğäskäri häm militsiä xezmätkäre qatnaşa. Çäçän suğışçıları Dağstanda ike awılğa kerep, anda berniçä keşene totıq itep aldı häm soñraq öç törkemgä bülengän ide. Kiçä alar bar totıqlarnı da azat itte häm Dağstan militsiäse äytüwençä, qarañğılıqtan faydalanıp bilgesez yünäleştä yuğaldı. Rusiä xärbiläre wäkile Aleksey Maslov ezläw barışında 12 çäçän suğışçısı üterelde dip belderde, läkin bu san älegä bäysez çığanaqlardan raslanmadı.

XS
SM
MD
LG