Accessibility links

сишәмбе, 6 декабрь 2016, Казан вакыты 23:03

German tışqı eşlär ministrı fälästin premyerı belän oçraştı


Abu Dis, İordannıñ Könbatış yarı. İerusalim yanındağı şuşı cirdä Germaniäneñ tışqı eşlär ministrı Joschka Fischer bügen fälästin premyer-ministrı Äxmät Qorai belän oçraşıp, anı solıx söyläşülären yañartuğa öndäde. Fischer, Qorai premyer itep bilgelängännän birle anıñ belän oçraşqan berençe yuğarı däräcäle Könbatış wäkile buldı. Söyläşülärdän soñ ul bolay dip belderde. "Bez bigräk tä İzrail-fälästin nizağınıñ biredäge xäle, anı uñay ber yünäleştä alğa etärü öçen nilär eşli alu, "solıx xaritasın" ğämälgä quyu, terror wä çualışlarnı beterü, fälästin xalqınıñ yäşäw şartların häm ğomumän ikeyaq öçen dä iminlek xälen yaxşırtu xaqında söyläştek" di Germaniä tışqı eşlär ministrı Joschka Fischer. Bügen ul şulay uq İzrail premyer-ministrı Ariel Şaron belän dä oçraştı häm söyläşülär barışında İzrailneñ "iminlek diwarın" tözüwen tänqitläp çıqtı. German ministrı ayırım alğanda, şul diwarnıñ fälästin cirlärendä qorluwına borçıluwın belderde.

XS
SM
MD
LG