Accessibility links

пәнҗешәмбе, 8 декабрь 2016, Казан вакыты 05:21

“Azatlıq” radiosı Tatarstanda nik söylämi?


Ä xäzer “Azatlıq” radiosı tapşırularınıñ Tatarstandağı retranslyatsiäse tiräsendä kilep tuğan wazğiät turında. İnde menä ikençe kön – düşämbe häm sişämbe, tıñlawçılar öyrängänçä bezneñ programmalarıbıznı Tatarstan radiosında kiçke säğät 9da häm Yaña ğasır radiosı dulqınnarında irtänge säğät 5 häm kiçke säğät 11dä tıñlıy almadılar. Çärşämbe könne tapşırularnı tıñlap bulırmı, yuqmı digän sorawğa älegä qädär tögäl cawap yuq. Şuşı uñaydan radiobıznıñ Qazan byurosına şaltıratıp, sezgä närsä buldı, “Azatlıq” radiosı nik söylämi digän şaltıratular yışaydı. Ällä Başqortstandağı saylaw wazğiäten añlatqan öçen tıydılarmı eşegezne diüçelär dä buldı. Barığıznı da tınıçlandırırğa aşığabız. Älegä tapşırular barı tik texnik säbäplärdän genä efirğa çığa almadı. Xäzer şuşı xaqta Rimzil Wälineñ studiäbezneñ qunağı – “Azatlıq” radiosınıñ çit töbäklärgä retranslyatsiäne oyıştıru eşlären citäkläwçe Frank Williams belän äñgämäsen tıñlağız. Frank äfände Pragadan Qazanğa sişämbe könne kilep töşte. Häm anıñ kilüen äzerlänep quyğan kebek kilep çıqqan problemanı xäl itärgä kereşte. Xäzer Rimzil Wäli häm anıñ äñgämädäşen tıñlağız.

R.W.

Frank äfände, närsä buldı soñ “Azatlıq” radiosı tapşırularına, tıñlawçılar alarnı nik işetä almıy? Monda kem ğäyeple, Pragamı, Qazanmı?

F.W. Bu oçraqta berkem dä ğäyeple tügel. 1-2 ike ay elek Waşington tapşırularnı sputnik aşa başqa parametrlar nigezendä tapşıra başladı. Bu xaqta bezneñ barlıq retranslyatsiä belän şöğellänüçe kollegalarıbızğa mäğlümätlär citkerelgän ide. Läkin Qazandağı tapşırularnı alu cihazı bik iske bulıp çıqtı. Ul xäzerge bezneñ texnik taläplärgä turı kilmi ikän. Läkin şuşı arada ğına Qazanda kiräkle caylanmanı tabıp buldı. İnde şuşı könnärdä “Azatlıq” radiosı tapşıruların retranslyatsiäläw kire başlanıp kitär dip ömetlänäbez.

R.W. Azatlıq radiosı tapşıruları tağın qayda retranslyatsiälänä?

F.W. Bezneñ radionıñ tapşıruları Törekmänstan, Belarus’, İran, Üzbäkstan illärennän qala böten dönyada cirle radiolar aşa retranslyatsiälänä. Rusiädä bezne 28 töbäktä tıñlap bula, Mäskäwdä isä “Azatlıq” radiosı täwlegenä 24 säğät eşli. Tatarstanda bezneñ tapşırularnı ike radio retranslyatsiäli

Rimzil Wäli

XS
SM
MD
LG