Accessibility links

чәршәмбе, 7 декабрь 2016, Казан вакыты 19:25

Putinneñ tele-radio äfirdä vatandaşlar belän söyläşüendä şaqqatırlıq yañalıq yañğıramadı.


Bügen tele-radio äfirdä zur tamaşa buldı. Russiä prezidentı Putin öç säğätkä yaqın vatandaşlarnıñ törle soraularına cavap birde. Yılnıñ iñ qimmätle televiziä proyektı dip bäyälängän bu programma inde öçençe märtäbä ütkärelä. Yäkşämbedän başlap , keşelär telefon, fax yäisä internet aşa prezidentqa sorauların , teläklären, şulay uq tapşıru vaqıtında belderä aldılar, älbättä, üzläreneñ kemnegen äytü şartı belän. Putinneñ PR showınıñ anıñ reytingın üsterügä kiteräçägenä şik-şöbhä yuq.

Prezident Putin yaqınça öç säğätkä suzılğan xalıq belän äfirdä turıdan-turı oçraşudan soñ, jurnalistlarğa äytkäneçä, moña ällä centekläp äzerlänergä turı kilmägän. Ul monı här kön bu mäsälälär belän şöğelänüe belän añlatsa da, älbättä, başqa säbäplär dä bar. Cämağätçelek türälärgä könqadağında torğan kisken problemmalar turında soraular quyarğa künekmägän. Yäisä andıylarğa sorau birü mömkinlege birelmäde. Asılda Putinnıñ bolay da yuğarı bulğan reytingın üsterü maqsäte belän ütkärelgän bu programmada kötelmägän soraular da, cavaplar da bulmadı. Äfirne oyıştıruçılar birgän mäğlümätlärgä qarağanda, iñ küp quyılğan soraularnıñ berse Putin prezidentlıq saylaularında üzeneñ kandidatlığın quyaçaqmı digän sorau bulğan. Oçraqlımı-yuqmı ul turıdan-turı tapşıru başlanğaç uq diärlek quyılğan sorauğa cavap birep bolay dide.

Audio

Läkin, ul kemneñ dä bulsa konstitutsiäne bozıp öçençe mödätkä prezident buluına qarşı buluın äytte. Monı inde qullanıştağı konstitutsiä tıya. Ä konstitutsiä üzgärtelgän xäldä bälkim Putin fikeren üzgärter. Putin vatandaşlarnıñ soraularına cavap birer öçen ällä äzerlänmäven äytte. Ul 68 sorauğa cavap birde. Alarnıñ 26-se saylap alınğan 11 urında urnaştırılğan televiziä kameraları aldında, 20-se telefon aşa, qalğannarı internet aşa quyılğan soraular ide. Prezident tağı elek quyılğan soraulardan üze saylap alğan 13-senä cavap birde. Mikrofonda sorau birü bäxetenä ireşkännär arasında ilneñ häm xalıqnıñ tormıına qarağan möhim mäsälälärgä qarağan sorau biräse urınğa Putin ğailäseneneñ ete Koninıñ köçekläreneñ yazmışı häm sälämätlege turında sorau quyunı urınlı tapqannar da çıqtı. Putin 4 bala belän dä söyläşte. Bu eş aldan oyıştırılmağan ide dip ışanu qıyın. Tapşıru barğanda şaltratuçılar sanı sekundına 250 keşegä citkän. Tulayım alğanda ber milion 600 meñ çaması keşe prezidentqa möräçäğät itkän. Äytik çınnan da qayber balalar inisiativa kürsätep şaltratqannar. Yüzär meñlägän keşe arasında dürt balanıñ prezident belän totaşa aluı ul üze ber moğcizä. Xayer min monda möğcizä turında söylärgä telämim. Putin kiläse yıldan başlap tağı da ber ülkädä üzäkläşterüneñ bulaçağın äytep kitte. Kiläse yıldan başlap uqıtuçılarğa tüläv häm belem birü protses federal xakimiätläräg küçä. İmeş bu küpkenä cirle xakimiätlärneñ bu problemmanı xäl qıla almauları säbäple kürelgän. Uqıtuçılarnı da, çäkertlärne dä, mäktäp direktorların da alda şatlıqlı könnär kötä. Ber az küpertü bulsa da, Vladivostokqa däresleklärne Mäskävdän cibäräçäklär, mäktäp binasınıñ vatılğan täräzäsen täzütä öçen Mäskävdän röxsät alırğa turı kiläçäk dip tä äytergä bula. Nindider ber säbäptän xezmät xaqı vaqıtında kilmägän xäldä, cirle citäkçelärneñ yaqasına yäbeşäse urınğa, niçä aylıq xezmät xaqın biletqa tüläp Mäskävgä barırğa turı kiläçäk. Putin şuşı tele-radio tapşıruında üzeneñ citdi dävlät eşleklese, mäğlümätle häm üzenä ışanıçı bulğan prezident ikänen kürsätte. Läkin, mine şäxsän anıñ cavap-sorau öleşe tämamlanğannan soñ, alda torğan burıçlar turındağı süzläre üzenä kürä ğäcäpsenerde. Ul Dävlätneñ berençe vazıyfası üz vatandaşlarnıñ ireklegen häm xoquqların yaqlau. Russiädä demokratiänenığıtu bik möhim. Parlamentqa saylaular buldı Bez tarixta berençe märtäbä küppartiäle sistema buldıra alabız dip äytte.

Audio

Prokuror dävlät , döreseräge Kreml mänfätlären yaqlauçı organ vazıyfasın ütägändä vatandaş xoquqları turında söyläp bulamı? Dumağa saylaualdı kampaniäsendä , saylaular qanunı yuğarı däräcädäge dävlät eşleklelärenä anda qatnaşunı tıysa da, Putinneñ, anıñ apparatınıñ, ministerlärneñ Berdäm Russiä faydasına qatnaşıp qanunnı bozğan bulsalar da, moña ber kemneñ dä iğtibar itmäven küz aldında totqanda, Russiädä xoquq , qanunçılıq turında söyläp bulamı ? Mätbuğat ireklege qısılğanda , töp radio televideniälär dävlät kontrolendä bulğanda vatandaşlarnıñ infromatsiä ireklege turında söyläp bulamı ? Älbättä, efirdağı tapşıru vaqıtında aña mondıy soraular quyılmadı, quyarğa telävçelär bulğan xäldä, alar bu bäxetkä ireşä almadılar. Asılda bu tele-radio efir programması , planlanğança häm äzerlängänçä ütte häm Putinneñ Mart ayımndağı saylaularda ciñüenä öleş kertäçäk. Läkin, monnan elek ük anı yaqlauçılar protsentı 72 ide. Politik İnformatsiä Üzäge başlığı Aleksey Muxinneñ süzläre belän äytkändä

Audio

Şuşı xälne küz aldında totqanda Russiä vatandaşları belän äfirdä oçraşunı azıraq oyışqan formada ütkärü mömkin bulır ide.

Färit İdelle, Praga.
XS
SM
MD
LG