Ufa. Başqortstan prezidentı saylawlarınıñ ikençe öleşendä Mortaza Räximovqa qarşı torğan töp nämzät Sergey Veremeyenko köräşen tuqtatıp, saylawlarda fäqät formal' töstä genä qatnaşaçağın, saylawçılarnı aldarğa telämäwen belderde. Anıñ süzlärenä qarağanda, xäzerge waqıtta anıñ kiläçäk eşe turında kiñäşläşülär alıp barıla häm ul eş Başqortstan belän bäyle tügel. "Saylawçılarımnan yäşeräsem kilmi, xäzerge waqıtta minem eşem turında äwzem kiñäşläşülär bara häm şuña kürä min, saylawçılarnı aldamıy üz kampaniämne tuqtatırğa buldım" di xäzerge prezident Mortaza Räximovnıñ töp köndäşe Sergey Veremeyenko. Şuşı belderüwen ul cirle televideniä aşa yasadı. Başqortstannan çittä üzenä nindi eş täqdim itelüwe xaqında ul berni dä äytmäde. Ul arada saylawlarnıñ berençe öleşendä öçençe kilgän Ralif Safin dä bügen üzeneñ yaqın könnärdä Federatsiä Şurasında wäkillek itkän töbägenä - Altayğa kitäçägen belderde.
