Accessibility links

якшәмбе, 4 декабрь 2016, Казан вакыты 17:24

Litva parlamentı prezident Paksasnı xakimiattän çitläşterü eşen başlıy


Wilnyus. Litva seymındağı 86 deputatnıñ, prezident Rolandas Paksasnı urınınnan alunı taläp itep maxsus petitsiägä qul quyuwı belän Litvada däwlät başlığın xakimiattän çitläşterü eşe başlandı. Parlamentqa cibärelgän şul petitsiädä prezident Paksas urıs mafiäse belän bäyläneşläre buluda ğäyeplänä, bu ilneñ iminlegenä zur qurqınıç tudıra dielä. Seym tarafınnan bilgelängän tikşerüçelär Paksas, çığışı belän Rusiädän bulğan häm prezidentnıñ saylawaldı eşlärenä 400 meñ dollar aqça birgän Yuri Borisov tä'sirenä eläkkän, Paksas xätta Borisovqa Litva watandaşlığı alıp birügä dä yardäm itkän dip belderä. Prezident üze bar şuşı ğäyepläwlärne dä kire qağa häm urınınnan kitmiäçägen äytä. Anı çitläşterü öçen bu qararnı seymda barlığı 85 deputat yaqlarğa tieş. Prezident kitkän oçraqta xakimiat parlament citäkçese Arturas Paulauskasqa küçäçäk häm ul 60 kön eçendä yaña saylawlar iğlan itärgä tieş bulaçaq.

XS
SM
MD
LG