Accessibility links

җомга, 9 декабрь 2016, Казан вакыты 09:01

İzrael premier ministırı A .Sharonnıñ fälästinnärgä quyğan ultimatumğa qarata reaksiä


İzrael premier ministırı A.Sharon fälästinnärne ike ayrım däwlätneñ oyışuına alıp barğan tınıçlıq prosesında yä progress yasağız yä dä İzrael üzeneñ ber yaqlı planın ğämälgä quyaçaq digän ultimatum belän yanadı. Bik küplär tarafınnan tänqitlängän ultimatum distälärçä yıl däwam itkän qatmarlı territorial bäxäsne ber niçä ay eçendä xäl qılunı küzdä tota.

Tınıçlıq protsesında progress bulmasa İzrael belän Fälästin territoriälären üzençä ayıraçaq digän A.Sharonnıñ ultimatumı , bäxäskä qatnaşqan başqa taraflar öçendä naçar xabär.Sharon kiçäyasağan çığışında bolay dide:(audio) ägär dä fälästinnär ber niçä ay eçendä terror törkemnären taratıp betermäsä şulayuq yul xaritasındağı başqa yöklämälärne ütämäsä, ul üzeneñ ike xalıqnı ayrığan planın ğämälgä quyaçaq. Bu plan fälästin häcümnärenä qarşı İzraeneñ iminlegen maximum däräcägä arttırunı küzdä totqan iminlek sızığına nigezlänäçäk . Sharon dewam itep (audio) älbättä fälästinnr turıdan turı yul xaritası söyläşülärenä qarağanda İzraelneñ ayıru planına esasän küpkä azıraq cirlär alaçaq dip äytte. AQŞ tarafınnan yaqlanğan yul xaritası planı här ike yaq ta bilgelängän yöklämälärne (fälästinnär izraelgä häcümnären İzrael isä utarlar tözüne tuqtata ) ütägännän soñ 2005nçe yılda fälästin däwläteneñ oyışuın küzdä tota. Fälästin premiere Axmed Kurei İzrael premiereneñ yañaularına qarata(audio) min ber dä qänäğät tügel , nindider yañalıq kötä idem, min bezneñ pozitsiäne yañadan raslap qabatlarğa telim: yul xaritası bezneñ yöklämä bulıp tora.Bez 1967nçe yılnıñ 4nçe iyül çiklärenä çigenüne kötäbez. Bez daimi kileşügä ireşärgä häm konfliktnı çişergä telibez. Waşington ber yaqlı adımnarnı yaqlamawın belderde. Süzçe Scott McClellan äytüençä(audio) bez ike däwlätne küzdä totqan yul xaritası turındağı söyläşülärne totqarlağan ber yaqlı adımnarğa qarşı bulaçaqbız. Fälästinnärneñ tormış şartların qulaylaştıru, köç qullanu, kierenkelekne kimetü, yäki terror aktivlıqların tuqtatu älbättä yul xaritasınıñ ber öleşe bulıp tora. Ämma AQŞ süzçese, Sharonnıñ İzrael yul xaritasında progress kürergä teli, ul qayber yähud utarların cimerergä äzer digän süzlären xupladı. McClellan bolar yul xaritasına yardäm itkän ber yaqlı adımnar dip äytte.Gaza häm Könbatış yardağı utarlarda yäşäwçe yähüdlär ber waqıtnı Sharonğa üzlären yaqlawçı dip qarıy ide. Ämma anıñ çığışnnan soñ, ägär dä premier ber yaqlı çaralar kürep, yähüdlärne küçerä başlasa bez moñı tuqtatu öçen quldan kilgän här närsäne eşliäçäkbez dip söyli başladı. Xämäsneñ ruxi citäkçese Şeyx Axmäd Yassin bolay dide: ( audio) minemçä Sharon çığışında ber nindi yañalıq yuq ide.Ul iske pozitsiäne genä qabatladı Sharon yul xaritasındağı yöklämälären ütämäde, utarlarnı sütmäde, yañalarınıñ tözelüen tuqtatmadı , rasist divarın häm fälästinnärgä agressiene tuqtatmadı Ariel Sharonnıñ ultimatu yul xaritasın ğämälgä quyuğa qarata nindi dä bulsa aktivlıqqa alıp barırmı,ällä xalıqara xätta eçke qarşılıq kürsätügä qaramastan ber yaqlı plan ütäläçäkme . älegä äytep bulmıy. Ämma Sharon çığışında İzrael atlayaçaq adımnarında Waşington belän mäslixätläşäçäk , bez strategik xezmättäşlekkä zarar kiteregä telämibez dip işarä itte

färidä xämit praga
XS
SM
MD
LG