İsraelneñ, ägär dä "tınıçlıq yulı" planın ğalmälgä aşıru çaraları tiz arada kürelmäsä, İsrael ber yaqlı üzen Fälestinnärdän ayırıp quyaçaq digän yanawlarına Fälestin premyer-ministrı Ahmed Qurei borçıluın belderde. "Mine bu borçıy. Min nindider yañalıq köttem. Ämma üz fikeremne yañadan qabatlarğa telim. Bez "tınıçlıq yulı" planın tormışqa aşırırğa niät itäbez. 1967nçe yılnıñ 4nçe iünendäge çiklärne qaytarırğa telibez. Nizaqnı beter öçen soñğı kileşüneñ buluın telibez" dide Ahmed Qurei.
Bu xaqta Fälestin premyer-ministrı kiçä Yerusalimda belderde. Annan alda İsrael xökümäte başlığı Ariel Şaron iminlek mäsälälärenä bağışlanğan cıyında çığış yasap, Könbatış Yarda İsrael belän Fälestinne ayırğan iminlek diwarı tözü eşlären tizlätergä çaqırğan ide.
Quşma Ştatlar, İsraelne ber yaqlı ğına qararlar qabul itüdän tıyılıp qalırğa çaqırdı, İsrael häm Fälestin citäkçelären tiz arada oçraşırğa öndäde. Quşma Ştatlarnıñ bu täqdimenä, şulay uq "tınıçlıq yulı" planın tormışqa aşıruda aradaşçı bulğan Rusiä dä quşıldı.
Bu xaqta Fälestin premyer-ministrı kiçä Yerusalimda belderde. Annan alda İsrael xökümäte başlığı Ariel Şaron iminlek mäsälälärenä bağışlanğan cıyında çığış yasap, Könbatış Yarda İsrael belän Fälestinne ayırğan iminlek diwarı tözü eşlären tizlätergä çaqırğan ide.
Quşma Ştatlar, İsraelne ber yaqlı ğına qararlar qabul itüdän tıyılıp qalırğa çaqırdı, İsrael häm Fälestin citäkçelären tiz arada oçraşırğa öndäde. Quşma Ştatlarnıñ bu täqdimenä, şulay uq "tınıçlıq yulı" planın tormışqa aşıruda aradaşçı bulğan Rusiä dä quşıldı.
