Accessibility links

Yaponiä ballistik raketalardan saqlanu sistemasın AQŞtan satıp ala


Yaponiä Quşma Ştatlardan, raketalardan saqlanu sistemasın satıp alaçağın iğlan itte. Kabinet sekretare Yasuo Fukuda, Yaponiäneñ İminlek Şurası, älege proyektnı "raketalarnıñ taraluına" häm küpläp üterü qorallarınıñ cäyelüenä qarşı sistema bularaq rasladı, dip belderde. "Bez älege raketalardan saqlanu sistemasın, Yaponiäneñ saqlanu strategiäsenä yaqın bulğanlıqtan alırğa buldıq. Ballistik raketalardan saqlanu häm milli iminlek turında uylağanda , böten saqlanu sistemasın küzdän kiçerü kiräk. Yaña terror qurqınıçı häm ballistik raketalarğa qarşı saqlanu sürätendä bez sistemağa da üzgäreşlär kertäçäkbez" dide Fukuda.

Yaponiä Saqlanu Agentlığınıñ Quşma Ştatlardan alırğa täqdim itkän bu sisteması 6 milliard 500 million dollar tora. Plannarğa qarağanda sistema 5 yıl eçendä ğamälgä keräçäk.
XS
SM
MD
LG