Uzğan ayda Mäskäwdäge Xalıqlar Duslığı Universitetınıñ tulay torağında çıqqan yanğında cärähätlär alğan tağın ber student xastaxanädä ülde. 26 yäşlek bu yeget Congodan äle küptän tügel genä kilgän bulğan. Şulay itep, tulay toraq yanğınında hälak bulğannarnıñ sanı 43kä citte. İtar-Tass xäbär itüençä, cärähätlär alğan 100 keşeneñ 53e äle haman da xastaxanädä qala, alarnıñ qayberläreneñ xäle bik awır.
