Accessibility links

чәршәмбе, 7 декабрь 2016, Казан вакыты 23:23

Räşit Yäğfärov: Kiläse respublika Däwlät Şurasına saylawlarda ciñep, tatar milläteneñ mänfäğätlären yaqlarğa kiräk


Comğa könne Bötentatar ictimaği üzägendä mäğlümat oçraşuı uzdı. Anda çığış yasağan üzäk räise Räşid Yağfarov 7 dekaberdä ütkän saylawlarğa üz näticäsen yasadı. Anıñ bu xaqta fikerlären Azatlıq radiosı tıñlawçılarına da täqdim itäbez.

7nçe dekaber könne ütkän saylawlarda äybäträk uynıy belän keşelär häm firqälär ciñü yawladı. Bez dä saylawlarda qatnaşıp qaradıq, läkin axırı alar kebek ük äybät uynıy almadıq. İkençe saylawlarğa bezgä sabaq bulır, bezdä başqalar kebek uynarğa öyränergä tieş. Kiläse respublika Däwlät Şurasına saylawlarda ciñep, tatar milläteneñ mänfäğätlären yaqlarğa kiräk

Ütkän saylawlar näticäsenä bağışlanıp qabul itelgän Tatar ictimaği üzägeneñ rezolyutsiäsendä şulay uq Başqortstanda ütkän saylawlar turında da äytelgän. İctimaği üzäk tarafınnan yaqlanğan Ralif Safin ikençe turğa çıqmaw säbäple, bez Başqortstanda 21nçe dekaberdä ütäçäk saylawlarda berkemne dä yaqlamıybız, dip äytelgän bu rezolyutsiädä.

Oçraşuda süz, şulay uq, 1552nçe yılda Qazannı alğanda häläk buluçılarğa quyılası häykäl turında da bardı. Räşid äfände süzlärenä qarağanda, respublika xakimiätläre belän häykälneñ nindi buluı turında inde urtaq ber fikergä kilengän ikän. Tatar ictimaği üzägenä anıñ urını ğına oşamıy. Älege mäs’älägä bağışlanğan Tatar ictimaği üzäge qabul itkän rezolyutsiädä, häykäl urınınıñ xakimiätlär bilgelägän, Qazansu yılğası yarında, Kreml’ artındağı Fedoseyevka uramında tügel, ä Yärminkä mäydanında bulırğa tieş, dielgän. Anda inde taş ta quyılğan ide, xalıqnıñ da fikere şundıy, bez näq menä şuşı urınnı yaqlap inde imzalar da cıydıq, dide Räşid Yağfarov. Şulay uq, ictimaği üzäk wäkilläre häykäl quyılğaç, Yärminkä mäydanınıñ isemen yaqlawçılar mäydanına alıştırırğa täqdim itälär. 19nçı dekaber könne qabul itelgän şuşı ike rezolyutsiä comğa könne böten qızıqsınğan oyışmalarğa taratıldı.

XS
SM
MD
LG