Accessibility links

пәнҗешәмбе, 8 декабрь 2016, Казан вакыты 12:57

Liviä küpläp üterü qoralları programmasınnan waz kiçä


Liviäneñ küpläp üterü qoralları programmasınnan waz kiçep, xalıqara inspektorlarnıñ kerüenä röxsät itäçäge turındağı xabär bugen könqadağında tora

AQŞ,Britaniä häm Liviä arasında 9 ay däwam itkän yäşren söyläşülärdän soñ ütkän töndä bu turıda iğlan itelde. Livie tışqı eşlär minsitırı Abd al Raxman Möxämmäd Şalgam Tripoli tıyılğan qorallardan üz irekle teläge belän wazkiçergä buldı dip äytte. Bu qarar prezident Bush häm Britaniä premiäre Blair tarafınnan ber ük waqıtta iğlan itelde dip äytep bula.Premier Blair süzlärençä(audio) Polkovnik Muammer Qadafinıñ qararı tarixi ähämiätkä iä, qıyu, min añı xuplıym. Dönyanı häm töbäkne iminräk xälgä kiteräçäk.Yaxşı teläk ,söyläşülär häm cawaplı xalıqara agentlıqlarnıñ tırışlığı belän qorallarnı cäyeldermew probelmasın xäl qılıp buluın kürsätä. Bu qarar, andıy programmalardan tınıç häm ixtiari räweştä wazkiçep bulğanın kürsätä Prezident Bush ta bu adım dönya tınıçlığı häm AQŞnıñ iminlegen arttıra dip äytep,(audio) Liviä xökümäte bu möhim adımnı atlap, üzeneñ mäsälägä ciddi qarawın kürsätä, anıñ bu uñay adımı büläklänäçäk. Liviä başqa illär safında imin häm xörmätle urının alaçaq , waqıt ütü belän AQŞ belän mönäsäbätläre yaxşılanaçaq. AQş küptännän birle Liviä biologik häm ximik qorallar täräqi itä dip şiklänep kilsä dä , Tripoli kire qağıp kilde. Mart ayında Ğıraq suğışı başlar aldınnan Liviä AQŞ belän yäşren söyläşülär başlarğa teläwen beldergän.Şunnan soñ AQŞ vä Britan törkemnäre Liviäneñ qoral tözeleşlärenä 10nnan artıq vizit yasağan.İreşelgän kileşügä kürä, Liviä qorallarnı cäyeldermäv kileşüenä qatnaşa häm inspektorlarğa ildäge barlıq qoral citeşterü urınnarına kerü röxsäte birä.. Prezident Bush Liviäne maqtap ul terorğa qarşı suğışqa qatnaşırğa tieş dip tä äytte. Şulay itep Liviä bu yılda xalıqara cämäğätçelek aldında ikençe uñay adım atlağan buldı. August ayında yıllarça däwam itkän söyläşülärdän soñ Tripoli 1988nçe yılda Şotlandiedä Lockerbiedä şartlatılğan amerikan oçqıçı öçen cawaplılıqnı üz östenä alıp, qorbannarnıñ ğailälärenä 2milliard 700 million dolar kompensatsiä tüläde. Şunnan soñ BMO Liviägä quyılğan sanksiälärne köçtän çığardı. Ämma AQŞ çikläwläre äle dä üz köçendä . Amerika şirkätläre , neft häm tabiğıy gazğa bay ilgä yevropalılardan elek qaytırğa aşıqsa da,AQŞ räsmiläre ekonomik çikläwlärne beterü, Tripolinıñ xezmättäşlegennän bäyle bulaçaq dip äytte.

färidä xämit, praga
XS
SM
MD
LG