Bügen biredä Misır tışqı eşlär ministrı Ahmed Maher häm İsrael premyer-ministrı Ariel Şaron oçraşıp İsrael-Fälestin tınıçlıq söyläşülären yañartu yulları turında fiker alıştı. Ahmed Maher süzlärençä, Ariel Şaron – Yaqın Könçığışta solıx urnaştıru turındağı "tınıçlıq yulı" planın tulısınça xuplıy häm ğamälgä aşırırğa teli. Ahmed Maher şulay uq İsrael tışqı eşlär ministrı Silvan Şalom belän dä söyläşülär uzdırdı. Shalom, üz çiratında İsrael Fälestinnär belän söyläşülärne yañartırğa teli, dide. "Bez "tınıçlıq yulı" planın tormışqa aşırırğa telibez, bez anı elek tä ğamälgä kertergä telädek, xäzer dä teläk belderäbez. Çönki xäzer töbäkkä ömet çatqısı birgän ber yul barına ışanabız, häm kürşelärebez, fälestinnär, söyläşülärgä qaytır digän ışanıç belderäbez" dide Şalom.
Oçraşudan soñ Şalom, İsrael fälestin suğışçıları belän kileşügä barmıyaçaq, ämma alar İsraelgä qarşı höcümnärne tuqtatsa – İsrael dä köç qullanunı tuqtataçaq, dip belderde.
Äle genä kilgän mäğlümatkä qarağanda Misır tışqı eşlär ministrı Ahmed Maherğa Al Aqsa mäçetendä höcüm yasalğan. Bu xaqta älegä tulıraq mäğlümat yuq, Misır tışqı eşlär ministrı xastaxanägä cibärelgän.
Ul arada Frans-Press Agentlığı, bilgesez fälestin çığanaqlarına tayanıp xäbär itüençä, İsrael ğaskärläre bügen Könbatış Yardağı Jenin şähärenä kerep Al-Aqsa intixarçıları brigadası wäkilen qulğa alğan. Bäreleşlär waqıtında 3 keşe yaralanğan.
Oçraşudan soñ Şalom, İsrael fälestin suğışçıları belän kileşügä barmıyaçaq, ämma alar İsraelgä qarşı höcümnärne tuqtatsa – İsrael dä köç qullanunı tuqtataçaq, dip belderde.
Äle genä kilgän mäğlümatkä qarağanda Misır tışqı eşlär ministrı Ahmed Maherğa Al Aqsa mäçetendä höcüm yasalğan. Bu xaqta älegä tulıraq mäğlümat yuq, Misır tışqı eşlär ministrı xastaxanägä cibärelgän.
Ul arada Frans-Press Agentlığı, bilgesez fälestin çığanaqlarına tayanıp xäbär itüençä, İsrael ğaskärläre bügen Könbatış Yardağı Jenin şähärenä kerep Al-Aqsa intixarçıları brigadası wäkilen qulğa alğan. Bäreleşlär waqıtında 3 keşe yaralanğan.
